袁咏仪爆魔童母亲节唔陪阿妈陪女友：有异性冇人性！

etin

由艺人袁咏仪（靓靓）与“翻版林明祯”黄洁琪（Miko）、创作歌手刘界辉、DJ陈峰、童缤毓等主演的温情家庭电影《OMG! 阿妈有喜》，昨日（11日）假将军澳举行宣传活动，适逢母亲节，戏中老公陈峰送上鲜花庆祝，大会又送上喇沙全年免费通行证，凼得最爱马来西亚美食的靓靓笑逐颜开。靓靓接受访问时，表示会做“跟得太太”陪伴担任《中年好声音3》决赛评判的老公张智霖开工，因快19岁的囝囝张慕童（魔童）约了朋友，但已跟她说母亲节快乐，尚未收到囝囝所送的礼物，但知他和爸爸商量过会送上惊喜，所以她亦相当期待。问到魔童是否陪女友及女友母亲，靓靓都有怀疑：“话陪女友都有可能系嘅，但如果话陪埋女友妈咪，我就觉得未到嗰个程度，佢应该唔会咁啩，不过如果系都冇法，仔大仔世界，我觉得日日都系母亲节。”

问见过儿子女友未？虽然靓靓不时说怕被儿子投诉她爆料，但她表示：“其实未系女朋友，朋友啰，（有几个朋友？）我个仔都系得一个啫，见过一个，但唔系女朋友嚟，我个仔又话我爆佢啲嘢，都系唔讲啦。（阿仔朋友阿妈都要过吓目，）佢啲男男女女朋友我都有见过，都ok嘅，（识朋友方面，阿仔叻啲定老窦叻啲，遗传咗老公识拣嘅优点？）都讲咗准则嘅，（有冇呷儿子女友醋？）咁又冇嘅，我只系讲佢有异性冇人性咁啰，阿仔就问系咩嚟，佢话有陪我，但都要识朋友，我觉得佢呢个年纪都要识朋友扩阔自己生活圈子，佢大个啦，都需要独立，我真系要学识放手，我问得多，佢又觉得我烦，唔问又话我唔关心，尽做啦，今日母亲节，希望讲多啲甜嘅说话畀阿妈啦。”

穿上低胸装露事业线的Miko就表示送飞吻给戏中的妈妈袁靓靓，待回马来西亚后再跟自己的妈妈补祝，又指日日都挂住自己妈咪。靓靓即赞她很乖好黐家，但相信过一，两年后就会催她拍拖，Miko就相信不会，因为家姐已结婚生B，又透露稍后到菲律宾拍旅游节目，虽然离开香港，但会将靓靓放在心中。问Miko如香港票房理想可会着泳衣派福利？靓靓就爱“女”心切紧张地问：“点解要着三点式啫？”有人提议连靓靓都要着，靓靓就话：“阿妈就露三点，唔知露边三点，如果到某一个票房就着短裙啦，阿女再着短啲。”