连诗雅为母则刚 收女儿老公一张“纸”已经好窝心

etin

艺人连诗雅（Shiga）与老公陈家乐去年7月18日平安诞下小公主女儿Camila后，今年首度以妈咪身份度母亲节，不过因要忙排练舞台剧关系，所以未必有时间大肆庆祝，她接受访问时表示：“屋企人都明白我工作，佢哋仲叫我努力排练，好期待我喺舞台剧嘅演出，不过如果真系放到假，自己状态又OK嘅话，或者会同屋企人简单食餐饭。”问到期待的母亲节礼物，Shiga指女儿1岁未够，所以要求特别简单，只想要一张卡：“我同老公讲过，如果佢代囡囡写张纸畀我已经好开心同窝心。（依家囡囡先系最爱？）又唔系，因为我有一个好爱嘅伴侣，所以先想同佢有下一代，小朋友同佢都系我最爱。”Shiga由“宅男女神”变人妻，现再升呢为人母，做妈咪快1年，感觉跟女儿同步成长，最大改变是为母则刚，她说：“对好多事情嘅睇法唔同咗，可能冇咁执着，以前我好怕讲出自己嘅感受，但依家乜都会讲，毕竟已经系妈妈，都冇咩要怕去发表或争取。”她

同时亦觉得变得更有责任感，除认真工作外，亦会为囡囡一切作筹谋，她谓：“会谂囡囡要读咩学校，将来佢条路点行，佢身体健唔健康，连囡囡由饮奶都食加固食物，每一餐都会谂点样去分配，点做先畀到最全面嘅营养佢，因为好多事情要谂，所以要逼自己长期保持头脑清晰。”又谓对有讲“养儿一百岁长忧九十九”有深切体谅，尤其经历囡囡在公众假期时首次发高烧至39度，令她学识要冷静。她又想跟自己母亲说声多谢及对不起，因为成为母亲才切身体会到为母不易，她说：“我多谢妈咪咁辛苦养大我，依家更加明白佢嘅担忧，好似我个女咳一声都会令我好紧张，怕佢热又怕佢冻，所以我想同自己妈妈讲，以前我专注工作，直至依家做人阿妈先真真正正体会到妈妈嘅付出，依家做妈妈，我都系边做边学习中。”

谈及囡囡7月18日生日，她就想为囡囡举行生日会，不过如工作忙时间不许可下，亦会好好布置家居及准备生日蛋糕，帮囡囡在充满仪式感下拍照留念。至于可会为囡囡添个弟妹，她坦言有考虑，但现时以工作为重，亦想先调理好身体后，打算过几年待囡囡长大些才实行。问可会为囡囡创作一首歌曲，她希望将来有机会，现时想推出未曾尝试过的歌曲题材，或者将来再有第二位小朋友，就认真考虑为小朋友推出一首歌。