陈法拉惊喜见新生代涌现 会带同小朋友开工

etin

女星陈法拉由美国返港，昨日（26日）现身活动，她透露早前租旅行车全家出游，玩得非常开心：“小朋友可以住喺大自然好开心，但我就好攰，喺车入面煮嘢，又要生火，好多嘢搞。”除参与活动外，她（27日）会担任金像奖的嘉宾，负责颁发“最佳编剧”，此行来去匆匆，只逗留两天，她坦言：“因为要返去见小朋友，好唔舍得佢哋，除咗同佢哋视像之外，我又会成日打开手机睇小朋友嘅相。” 她称拍摄时也会带同小朋友开工：“当然要睇咩戏种，如果系恐怖片，啲妆容好恐怖，怕吓亲佢哋，唔会带佢哋开工，但之前拍其他剧都会带佢哋一齐，佢哋好听话，囡囡之前嚟探班，见到好多演员，我叫佢唔好出声，佢就唔出声，佢知道唔可以乱叫，畀佢哋见多啲世面都几好。（如果角色啱会唔会畀佢出镜？）太细，大少少畀佢哋自己拣。”

讲到巿道不景，戏院难生存，她称希望香港人能到戏院看戏，又谓：“好需要培养年轻一辈入场，其实唔止电影，舞台剧都系，我上星期去睇舞台剧，全部都系6、70岁嘅人，可能要拍啲后生有兴趣嘅题材，培养下一代观众好重要。”提到今年有份提名金像奖影后的锺雪莹自言受陈法拉在剧集《溏心风暴》中演出哑女的影响而学手语，法拉开心谓：“我做其他活动有见过佢，我都好欣赏佢，佢好有自己想法，系独当一面嘅演员，香港电影界女演员断层咗好耐，依家多咗一批新嘅电影女演员好开心，希望佢哋加油。”