陈山聪爆马国明想生一队足球队 笑言：我放长双眼

etin

艺人陈山聪、刘佩玥（Moon）、张振朗、刘颖镟（Tiffany）、郭柏妍及丁子朗等，昨晚（25日）出席无綫剧集《夺命提示》大结局晚宴，剧中终极Big Boss引起全城竞猜，最后揭盅是马国明，成为惊喜彩蛋。陈山聪受访时，讲到不少网民凭山聪在社交网贴文称要“决一死战”，马国明秒畀赞，而推断马国明正是终极Big Boss，山聪笑指对方太得闲：“之前我同佢、萧正楠一齐登台，我同萧正楠倾生仔经，佢又搭嗲，我哋叫佢得闲快啲生仔，佢话自己有两只猫。（过两招畀佢？）上天会安排，佢话生一队足球队，我同萧正楠放长双眼睇佢点生。”
今次晚宴由山聪、振朗及监制文伟鸿请客，山聪指原本今晚要往佛山彩排，但为跟大家一齐观看大结局而改期，提早几天彩排，不过明早便要上佛山开骚：“今晚唔可以食嘢，因为我之前去日本拍节目肥咗，我最近两星期节食减肥，已经减咗10磅，今日唔敢乱食，唔想开骚水肿，冇理由忍口咁耐一朝丧，睇大家食就开心。”问到女子组会否请客？Moon笑言若之后有庆功，愿意在庆功上表演，或者叫Big Boss请食饭。两人对剧集收视及讨论度高大感满意，由于知道监制不爱拍续集，但望能原班人马合作，Moon称今次剧集反应不俗，相信有机会再拍，又谓不少粉丝及街坊会叫她在剧中角色名，山聪爆儿子以往不会看他的剧集，但今次也有追看，不过主因是儿子很喜欢Moon。