陈展鹏家庭乐被偶遇 单文柔遭病毒感染面肿

etin

艺人陈展鹏同太太单文柔向来恩爱，仲成日带埋爱女小猪比出巡，一家三口高颜值，令人羡慕。注重家庭bonding嘅二人，近日去到澳门过复活节假期，虽然佢哋冇刻意吸引途人目光，仲故意以最简单打扮现身，但都系难掩星光，一行出嚟就被网友认出。有网友晒出澳门偶遇陈展鹏一家嘅经历，兴奋表示行街时见到陈展鹏，佢只系一个转头就睇到展鹏超有气场嘅身影，陈展鹏戴上墨镜，搭配休闲服饰、孭大背囊现身，明显系刻意保持低调，但都阻挡唔到视帝颜值，全程专注陪伴妻女，获该网民大赞：“墨镜也遮不住的神颜，我当场愣住！煎Pan本人超级低调，穿着很日常，但走路带风的气场根本藏不住！”所以佢都只系偷偷拍咗背影相，未有打扰男神家庭时光。
同行嘅单文柔亦专登戴白色Cap帽遮样，又着短裤大晒美腿，劲有少女味，仲时不时同老公十指紧扣，羡煞旁人。陈展鹏今次再印证好老公、好爸爸形象，网友都大赞佢系顾家男人特别型。另外，单文柔分享了一张自拍照，见她素颜下面部红肿，原来她与小猪比先后病倒，表示：“呢个四月好事多磨，发生咗好多事，但好感恩接到一些喜欢的工作，有一个很疼爱我的经理人，永远在我手忙脚乱嘅时候帮我。姐姐放大假返咗菲律宾，原本计划了出外度假，忽然猪比发高烧，烧了好几天，好担心！行程打乱了，到猪比病完，我病了！然后忽然间有一日，双眼好肿痛，打唔开，一直出眼胶好肉酸，原来感染了病毒。加上精力充沛嘅猪比已经好返， 我真系冇精力好彩有神队友接得，依家终于可以睇到嘢 yeah！”