陈展鹏唔怕七年之痒 放闪冧爆单文柔：系养大你个养！

etin

艺人陈展鹏及单文柔昨日（13日）夫妻档出席钻饰活动，单文柔一身贵气打扮闪爆全场，且大方笑说：“今日选嘅钻饰全部都系长条形，拉瘦晒成个人，哈哈！”他们笑言昨天悉心打扮，原来今年10月便踏入“七年之痒”，展鹏放闪说：“都唔系嗰个痒，系我养大咗你（单文柔）7年，养到你肥肥白白。钻石嘛，梗系好‘圆’美啦。”谈到4月19日单文柔迎来35岁生日，展鹏谓：“等阵你入去拣礼物（钻饰）啦，不过张单寄畀你之嘛、哈哈！到时我梗系送惊喜啦，小猪比（囡囡）系创作总监同娱乐组组长，佢会谂定畀意见我。”他笑指有人生日，囡囡会特别开心：“佢话想去主题乐园食饭，其实系满足佢要求，而且谂啲嘢好有想像力，我要拉番佢落嚟先得！”他又指囡囡每日要求他们“交戏”，鬼主意多多：“好似佢会话自己未做晒功课，我哋就要配合去办个好嬲嘅样。

佢又要我哋玩生BB游戏，叫妈咪扮孕妇，而我就扮医生同爸爸，佢就负责演护士及姐姐，抱起个BB。（佢好恨做家姐？）你又放心，佢日日嘅角色扮演都唔同，曾经讲过话想我哋生个姐姐畀佢，等佢可以做妹妹添呀，而今日我哋就仲未收到剧本。”谈到新工作安排，展鹏透露下月才开剧，不过由于签了保密协议，未能多作透露：“只可以话做紧运动，改善紧身形去配合角色造型。今次反差都几大，但好切合我依家做紧嘅职业。（扮演艺人？）唔访时我再答你啦，真系唔讲得住呀。”