叶璇哭乾眼泪 停工照顾癌父

etin

前无綫花旦叶璇，形象硬朗，以往留港发展时遇上任何负面消息都能冷静应对，名副其实是打不死女汉子，然而谈到父亲被癌魔折磨，她即情绪崩溃，直指爸爸是自己的“软肋”，那怕失去一切，亦想换回对方身体健康。叶璇（Michelle）去年初突然接获爸爸来电，指腹痛维持了40多天，在内地一间小型医院确诊胃炎，但她深感事态不妙，急忙送父亲到另一间较可靠的医院接受身体检查，结果证实患上癌症，她接到消息顿时不懂反应。谈到父女情，Michelle坦言：“由细到大冇乜一齐生活过，一年都未必见到一次，有啲嘢以为唔使还嘅，但真正面对问题时，会令你不由自主咁去做好多嘢，血浓于水就系咁简单喇！”于是Michelle暂停所有工作，低调陪爸爸来港就医：“间医院喺山顶，我就喺附近租咗地方住，每日上山落山探佢两次，搞到脚骨力好好，喂佢食嘢试温度，抹身处理，一切我都亲力亲为。

记得当时我成日炖猪肉汁畀佢饮，我住嘅地方厨房系共用嘅，有位男士见我喺度整嘢食就撩我倾偈，搞到我失神倒泻晒，我即刻冲咗入房狂喊，当时猪肉汁系爸爸条命嚟，我嘅唔小心搞到佢嗰日冇嘢食喇！”这段日子Michelle流乾了“成世人嘅眼泪”，而叶父的病情更直接影响到她的健康状况：“瞓唔到觉，半夜就喺度查资料，睇吓有乜新药同治疗方式，变咗呢方面业馀界别嘅专家。我都多咗少少白头发，仲产生内分泌问题，早排我返去内地休息，精神状况好番啲喇。”幸而在这个最艰难的时期，她的圈外男友不时在身边打气，让她找到依靠：“佢仲要帮手照顾我爸爸，多谢佢嘅理解同包容。（外面传你结咗婚？）冇，不过我哋同已婚冇分别，最紧要有个伴啫！”提到于直播中自爆遭保母抢家产一事，Michelle表示没有再理会对方，亦没有再见面，强调自己不是贪父亲的财产。

不得不承认，Michelle父母缘薄，她好像从没感受过丰足的家庭温暖：“父母好早就分开咗，而我屋企嘅格言系，只要大家活得幸福就互相不多作打扰。我13岁被送到美国读书，开始自己一个人住，有朋友认为我爸爸有啲不负责任，但我觉得系佢锻炼出我冇有怕嘅性格，况且佢都有养我，冇佢就冇我啦！我嘅处境好似人哋色盲一样，从来冇见过彩色世界，就唔理解自己同其他人比较嘅唔一样。”为了照顾病榻上的爸爸，Michelle叫停所有的片约邀请，曾凭演出电影《意外》夺金像奖最佳女配角殊荣的她完全不觉有所损失：“可能以前喺香港发展，大家会觉得我好有野心，但坦白讲，我从来唔觉得自己嘅工作有啲乜咁了不起，只系觉得有工作就要做好佢啫，根本冇定界线要自己达到乜目标，或者搵到几多钱先满足。依家在我嚟讲，爸爸先系最重要！”叶璇为照顾病父决定停工。