红印仍在！马国明亲解颈现“咖喱鸡”之谜

etin

视帝马国明昨日（9日）出席谭仔云南米线宣传活动，穿上制服变身“谭仔哥哥”任最帅店长，对于日前他网晒近照，颈上疑出现“咖喱鸡”的红印，引起网民无限联想，而昨日其“咖喱鸡”仍在，不过已变得浅色，而他亦亲解“咖喱鸡之谜”。原来都是为了宣传品牌。问到为宣传要扮有“咖喱鸡”似乎大牺牲，他反问：“有几大牺牲呀？咖喱鸡之嘛，我唔明点解咁大反应，我成日食咖喱鸡，咖喱牛腩，我好锺意，（被人误会系爱之吻，）好得意，有啲会联想到嗰啲嘢，好多朋友send短讯畀我问系咪皮肤敏感，系咪病咗，使唔使睇医生？我同佢哋讲系Promote嚟嘅，所以大家千祈唔好心邪，（有冇试过真整“咖喱鸡”？）真系冇试过，亦都冇送畀人，我真系唔知个起源系乜。”

网民又指他的近况精神欠佳，相反太太汤洛雯状态极佳，他又说:“我唔觉得喎，ok喎，冇所谓，开开心心，笑吓就算，最紧要话我老婆靓，我冇所谓。”提及工作安排，他表示农历新年前拍完新剧《夫妻的博弈》后，现等剧组通知再开拍《新闻女王2》及另一出剧集，未有开工日子前，打算全力搵钱赚外快，他说：“近排好开心，因为所有event唔使再同公司度期，所有嘢自己可以接嚟做，嚟梗要返内地，马来西亚同澳门工作，呢期对客户无任欢迎，可以随时call我，我又唔怕出埠工作，之前去柬埔寨唱骚，好平安咁返嚟香港，我有两头家要养，最好就系夫妻档搵银。”