简淑儿麦大力婚照曝光 恩爱反转酒店煲呔都拆埋

etin

艺人简淑儿同男友麦大力日前（7日）宣布获求婚成功，准备升呢做人妻，加上麦大力亦刚荣升机长，双喜临门劲开心。大批网友睇好佢哋白头到老，加上二人都系男神女神，令人期待婚礼成果。（8日）系麦大力39岁生日，简淑儿再发功，上载二人一早准备好嘅索爆婚照，分享幸福时刻。简淑儿留言：“回想四年前我们第一次被拍到的情景…生日快乐！ 麦大力（这次我们已经做好面对镜头的准备了~哈哈）”晒出嘅婚照中，二人去到酒店影靓相，简淑儿以闪爆Low cut露背高衩晚装现身，麦大力就以西装煲呔上阵，二人一时喺电梯影，一时走到去酒店房走廊，最后更玩到麦大力个煲呔都拆埋，合照时又成日深情对望，时不时又揽实甜笑，恩爱到恨死隔篱。