叶翠翠两度抑鬱曾想轻生 细仔老公接连病危走过鬼门关

etin

港姐冠军叶翠翠婚后住3千呎豪宅，但原来风光背后，实情家中发生多宗事件令她饱受折磨，更一度有轻生念头！她近日受访自爆近年两度患上抑鬱症，全因密密生仔所致：“过去几年生小朋友生得好密，个脑都未准备好，生完第三个小朋友之后三个月就搬屋，又要搬嘢，同时又要工作，突然发现自己无故会坐喺度喊，有时唔谂嘢都会喊。觉得好辛苦，人生冇意义，持续咗半年，每日到小朋友下昼瞓咗觉，就会入厕所锁埋门坐喺地下大喊。最严重嘅时候，曾试过攞轻生工具，又试过喺浴缸放水，已谂好晒成个画面。”幸好儿子重燃起其求生意志，令她放弃自杀：“有日我喊咗好耐，突然谂到我咁样走咗，我个仔咪唔记得我？之后又过一日，我又谂到唔单止细仔唔记得我，大嗰两个只得两、三岁，佢哋都唔会记得，咁我咁辛苦生三个为乜？所以我决心要起番身。如果嗰个状态维持多几日，我应该就冇（死）”，及后靠运动走出低潮，经半年时间才治好抑鬱症。


可惜两年前，她因金钱损失惨重而抑鬱症复发：“当时我错信一个人，累我损失咗天文数字，唔止一百几十万，而系好庞大嘅数字。我当时心理好唔平衡，我咁辛苦去工作，因为系人哋嘅错蒙受咁大损失，除咗冇咗好多钱之外，要搞番好件事承受咗好大压力。”当时她每晚做直播赚钱，有时却不由自主爆喊，但亦全靠做直播才挨过：“第二次低潮系靠粉丝挨过。当时我一定会做直播，道理同运动一样，我话畀自己听一定要做到，唔系就咩都做唔到。” 惟祸不单行，她摆脱了抑鬱症后，就到细仔出事，原来早在细仔出世时她已察觉有异意，但丈夫认为只是她多疑，岂料细仔约1岁零3、4个月，有中医告知细仔身体有问题。



当时立即向西医求助，医生就表示若再拖随时有生命危险，即时安排细仔入政府医院做手术治疗，当时叶翠翠自责因抑鬱半年而疏忽了儿子，但医生就表示幸好她锲而不舍地医治细仔才能保住其性命，而细仔现时已变成长期病患者，需要经常出入医院。当细仔病情稳定后，竟然又到老公患病，令翠翠雪上加霜：“我发觉老公面色好差，就叫佢去入医院检查，开头佢仲话自己冇事。点知验完，医院就叫佢立即入院，当时他入院系以月计，所以我就有埋焦虑症。”她指本来有意送老公到内地医治，但因当时疫情要隔离而打消念头，最后留在香港医病，大步槛过。她坦言家中接二连三出事，曾怀疑家中有鬼，请来师傅检查后才觉安心。