张振朗用脚食意粉提子 挑战人体柔软极限感爆喜感

etin

视帝陈山聪、张振朗、刘佩玥、刘颖镟、丁子朗、郭柏妍等主演的无綫剧集《夺命提示》日前一集的“儿童院”个案正式落幕，对于杨卓娜的超班演技，网民再度予以高度认可，力推她荣膺年终女配角奖项殊荣之馀，还指此剧乃她从演23年的代表作！之后剧中个案一个比一个紧张，更渗入了不少搞笑元素，本周主力“搞笑担当”落在振朗身上。剧组发布最新预告宣传照，照片所见，振朗除了做尽滑稽表情包、用口“转笔”外，更挑战人体柔软极限，分别用脚持叉食意粉及用脚将提子一嘢放入口，斋睇相都感受到振朗的澎湃喜感！振朗接受TVB.COM访问时，笑言没想过原来打算用作应付动作场面的拉筋，最后竟大派用场同时用来搞笑：“我真系估唔到㗎，我拍呢套嘢系拉筋拉得好劲嘅，开头拍动作场口时，我每次都差唔多早45分钟去到现场拉定筋，无非系想保护自己唔好受伤，因为会影响之后嘅拍摄。但跟住慢慢就需要越嚟越少时间去热身，最后直头唔需要拉（筋），因为啲筋已松咗好多。”


振朗还提及用脚食意粉及提子的场口，全因剧中他想向刘颖镟箍煲，并指因为监制Jazz的一句座右铭而决定豁出去：“呢场戏最开心系排嗰阵我哋已经喺度笑，我哋好认真排㗎喎，但反而仲好笑。而最后我将只脚摆晒入口，其实系Jazz嘅提议，佢话你（横掂）食就食埋佢啦，有句Jazz嘅说话我好锺意：‘一系唔好做，要做就做尽佢！’”出名爱钻研演戏的振朗，还开心分享自己拍搞笑戏时对自己的要求：“拍搞笑得一下㗎咋，你能够做到就好笑，做第二次可能已经冇咁好笑，做第三次更加冇得好笑。所以如何去控制嗰个Moment系好重要，所以有时排戏，我觉得有啲嘢好笑我会收埋先，到真系Roll机时我先至会用，咁样可以保持到新鲜感。”问到最难忘动作场面，振朗是笑言为了拯救身陷险境的刘颖镟，他向著行走中的车子起势咁跑，振朗笑言相关场口拍得相当辛苦，但他却十分喜欢：“Jazz话想我睇上去真系跑到好辛苦，我记得嗰时嗰部车开到好快，我就系咁疯狂追住嚟跑，我系用尽全力咁跑咗好多好多次，跑到索晒气。”