郭柏妍尺度全开 与丁子朗激战画面曝光

etin

由文伟鸿（Jazz）监制无綫新剧《夺命提示》将于下周推出，绝密片陆逐流出，“A0女神”郭柏妍（Rosita）突破尺度，与丁子朗（丁丁）亲密相拥场口首曝光，片中Rosita骑在丁丁大腿，另一个镜头，丁丁亲个人压在Rosita身上，乖乖女大变身，不得了。Rosita今次首度挑战动作片，以招牌甜笑，加上飘逸长发劲煞食，之前在《妳不是她》崭露好身手的Rosita，这次挑战难度十级跳的高强度动作场口，除了基本打斗及逃亡场口，片中曝光最多的是Rosita开枪场口，不但姿势十足十，就连狠冷的表情亦做到足。Rosita在官方宣传片中透露自己是首次动用真枪拍摄，而且尽量亲身上阵：“希望可以突破一直以嚟嘅乖乖女形象。”
谈到动用真枪拍摄，Rosita受访时坦言起初正式埋位时吓到一度弹走，事前有刻意进行“持续听枪声”特训，Rosita说：“今次算系我第一套真正要打嘅动作戏，所以拍之前我都好紧张，特登有去做多啲运动同拉多啲筋，希望可以应付到；Jazz都有安排我哋上动作指导堂，帮我哋打定底。因为系第一次开真枪，所以都好难忘，因为我由细到大都好怕枪击戏或者子弹声，所以我事前有喺屋企不停听呢啲子弹同嘭嘭声，等自己冇咁惊，因为我估自己睇戏都已经咁惊，到现实（听到）可能会更惊，所以希望预早听定多啲适应。我惊嘅程度系会成个弹起同埋调头走，我记得第一次拍开真枪戏时，我真系开完就即刻弹走咗，好彩试咗几次都叫做克服咗个难关，我都估唔到自己可以克服到。”
丁丁与Rosita同是首度开真枪，宣传片中丁丁要应付大量飞跃、奔跑、踢腿和开枪，其中最瞩目的场口，他整个人被吊起之外，还有要一手将整个人高举过膊头再用力挞落地。丁丁受访问时表示单是这个“关斗挞生鱼”动作，连即场试位排练及幕后设备包括威也等set up，花了接近4个小时，制作十分认真。他笑言：“都真系几难㗎！因为我将佢成个抛低后仲要拎枪射佢，而个动作又要好Smooth同一镜过，呢个关斗shot好大挑战，同埋好大压力，惊阻到大家收工。”他续指为了新剧接受了一个月训练，亦有刻意于开剧前密集式做Gym操大只望以最佳姿态示人。丁丁还爆料指《夺命》唔止打到飞起同搞笑剧情兼备咁简单。他说：“我想讲呢套表面系动作戏，但其实成日都一公升眼泪咁，我会形容为一部有动作嘅亲情片，个剧本对我嚟讲真系吸引嘅。”