卫诗雅Deep V婚纱靓靓出嫁 爸爸为女儿披头纱表现不舍

etin

现年40岁的英皇艺人卫诗雅（Michelle），昨日与拍拖两年半的医美医生周祉安拉埋天窗，日后甘苦与共，携手踏上人生新一章。一对新人先于中环天主教总堂行礼，傍晚时分移师金钟五星级酒店大宴亲朋，Michelle全日变身喊包，又与老公连环咀嘴，非常甜蜜！卫诗雅邀来圈中好友周家怡及陈家乐等组成“星级姊妹团”，容祖儿、蔡卓妍及古巨基等于晚上出席婚宴，而英皇娱乐老板杨受成、关智斌、泳儿、曾乐彤及关心妍等下午到教堂观礼，步入圣堂前，卫爸爸细心为女儿披上头纱，一脸不舍，令新娘子泪洒当场。

晚上婚宴开席前，Michelle与老公接受访问，司仪起哄叫他们深情对望，两人显得有点害羞，Michelle更傻笑轻拍丈夫，及后当众连咀3、4次，闪爆全场！Michelle透露筵开24席：“都系招呼我嘅圈中战友及同事们，周医生啲同事及医生朋友。（3月再摆中式婚宴？）系呀！依家好攰同冇晒力，要回一回气先。”被发现未习惯改口叫老公，她怕丑自爆：“头先想叫奶奶讲吓嘢，点知叫咗Auntie，佢都有提我改口。”而周祉安公开感谢太太：“多谢佢咁爱我，佢系好善良嘅人，教晓我乜事都用大爱去包容，我哋有共同价值观，所以一齐行落去。”

Michelle自爆本想于婚礼前相约父母食饭聊天，可惜因时间太匆忙未能做到，稍后会与他们旅行补数，至于度蜜月，她说：“起码完咗金像奖先。（双方家长有冇催生B？）冇，佢哋好开通，我哋亦冇谂法住。”问周祉安会否陪太太出席金像奖，他说：“睇佢安排，佢叫就出席，我有幻想过佢得奖嘅场面。”而Michelle手上分别戴上求婚及结婚戒指，她说：“求婚戒指3卡，我话唔需要太大只，我份人好大头虾，易唔见呀！”又打趣表示婚宴上交由周家怡顶酒：“我会回礼㗎！回番个男友畀佢，兄弟团有个靓仔！”

至于周家怡与陈家乐齐齐受访，家乐亦笑言要帮家怡物色另一半：“周医生有好多笋盘，我叫佢尽量控制自己，唔好太豪迈。”周家怡反驳：“爱我嘅话，系爱我真人嘛！（抢花球？）以前抢过，冇用。（有冇睇中目标？）冇留意，今日嚟唔系为咗咁（识男友），感谢大家戥我心急，我一个人都可以好精彩。”问家乐会否向Michelle分享夫妻相处之道，他说：“每个人唔同，佢比较强势，哈哈！”