卫诗雅升呢“五孩之母” 婚前化身柬埔寨新娘

etin

出炉四料影后兼准人妻卫诗雅（Michelle）与导演及太太，还有12岁的大女馒头与10岁的细女包包，早前到柬埔寨两个社区进行探访。经过一星期探访和体验当地居民及孩童生活。Michelle自言自己性格很感性，公司同事都提点她控制泪腺，惟去到当地探访仍禁不住被触动落泪，她说：“去探访，我知道会有感受，但系冇谂过咁多感受。好似佢哋同我化新娘妆咁，嗰个年轻人得到支援有机会去学化妆，依家仲系当地嘅人气化妆师，真系好感动，呢个系好有意义嘅新娘妆。”Michelle最快乐的行程，与助养了6年的女儿Chankoa见面，又与“女儿”温馨做手工，她说：“见到佢已经眼湿湿，但系又唔想吓亲佢，所以要忍住啲眼泪。我仲扮晒阿妈咁，叫佢拎啲功课出嚟睇吓，我即刻有啲唔好意思，因为我用当地嘅高棉语写咗张卡畀佢，但系佢啲字靓过我好多。”

她表示手写高棉语，是未婚夫的意思：“佢叫我唔好写英文，用返当地语言容易啲沟通，我即刻开电话睇住个翻译嚟抄。”她希望将来能带同未婚夫再度探访：“希望15年后，我再返嚟探佢哋（Kuleaen社区），见证佢哋嘅改变。如果将来有小朋友，我都好希望佢哋可以睇到呢啲片段，甚至有机会嚟经历吓。”她坦言首两天探访特困家庭，看到他们的害怕：“佢哋（特困家庭）唔敢同你倾偈，连眼神接触都唔敢，但系喺后面已经发展完嘅社区，我见到自信，就算15、16岁都会走埋嚟同我分享。原本我都会谂，我可以帮到佢哋啲咩呢？到咗第3日，我见到希望。以前我可能好快落判断，觉得帮唔到手，依家我觉得要花时间睇清楚、了解清楚，系真系可以帮到佢哋，蟋蟀场、菜园同学校呢啲，见到佢哋可以照顾到自己，真系好开心，我见到好多希望，好多谢宣明会邀请我嚟。”

​说毕，Michelle感动到眼湿湿。她直言单凭相片、片段甚至她的分享，对大众来说可能感受不深，但她相信上天给予这次探访的机会，必定有意义：“我睇到佢哋好勤力，只系佢哋冇资源同方法。我哋身边有啲人，畀咗方法佢哋、教佢哋点做，但系佢哋就系唔做，但系呢度嘅人好努力。可能只系畀一只鸡佢哋，话畀佢哋听可以点，佢哋就可以变到依家咁，所以我觉得真系要珍惜，珍惜你哋拥有嘅一切。我唔系话一定要大家捐钱，但系至少遇到困难，唔好话‘我好惨’、‘我冇办法’，办法一定有㗎！”Michelle回港后即时再多助养两名儿童，连同已经助养的3名儿童，Michelle准备荣升“五孩之母”！