马国明爆同郑嘉颖合体有条件：我哋收好平咋！

etin

汪明荃、陈豪、林夏薇（薇薇）、陈展鹏、龚嘉欣、高海宁（高Ling）及马国明等逾半百艺人昨日出席“TVB赛马日”，“声梦”姚焯菲、锺柔美及林智乐担任表演嘉宾，吸引大批粉丝现身支持。陈豪旗下咖啡店于场内义卖行善，一杯咖啡售价800元，他则当人肉布景版吸客任影唔嬲。薇薇携眷到场，与丈夫莫赞生大方合影，而刘佩玥行路一拐一拐，透露出门时不慎跌倒。汪明荃甫见4位港姐性感打扮到场，忙不迭关心：“乜妳哋唔冻咩？”4人即表示有贴暖包及大褛保暖。

高海宁及马国明齐齐受访。谈到主演贺岁片《麻雀女王追男仔》票房落后于其他两套贺岁片，更有电影专业形容今年贺岁片“惨不忍睹”，马国明表示：“关于票房系唔会失望嘅，听啲影坛大哥讲成个大环境都唔好嘛，只希望人人有工开！而每个人睇戏嘅准则都唔同，我觉得贺岁片唔使拍得好深奥嘅，大家开心咪得啰。”高Ling接口：“大环境唔好，希望大家可以以欣赏及鼓励嘅角度出发。（马来西亚票房又好好喎。）喺啰，可惜我哋冇去做宣传，嗰边竞争仲大呀，有十几套贺岁片。”二人齐声表示时间许可的话，会自掏腰包购票入场，支持所有贺岁电影。

谈到太太汤洛雯剧集《富贵千团》刚播竣，马国明笑说：“影视一家嘛，我紧系有睇啦，仲同埋黄庭锋同姚宏远一齐睇大结局添，佢两个演得好好。（老婆激吻喎。）好小事啫，睇吓剧情需唔需要啫。（佢着喱士呀。）最紧要拍得我老婆靓！”高Ling则爆料说：“我去佢屋企打牌，佢老婆播紧《铁马寻桥》，好冤气呀！如果讲亲热戏，系咪要睇《冲上云霄II》呀？佢同江美仪好激呀！”十分搞笑。至于郑嘉颖再次缺席《铁马》聚会，马国明笑说：“大家咁想睇我哋一齐，咁我又唔明喎，点解冇人请我哋一齐做嘢呢？请我哋做event嘉颖仲会带埋3个仔，我哋收好平咋，开心价就得。”