卫诗雅收未婚夫1礼物 眼湿湿：我送返成个人畀佢

etin

准新娘子卫诗雅（Michelle）距离婚礼还有一星期，昨日（8日）她现身活动，是她婚前最后一个公开活动，她透露由于最近非常忙碌，连未婚夫3月生日也差点忘记，讲到筹备婚礼最深刻之事，她表示是未婚夫送了一份礼物给她：“佢送咗一份啲人觉得好实际，但我觉好浪漫嘅礼物，佢送咗份保险畀我哋，佢话：‘如果我有事，你都唔驶咁彷徨。’真系畀到我好大嘅安全感。”说时她不禁眼湿湿，要以纸巾拭泪，又指有次在家中受伤，身为医生的未婚夫为她缝针，她便认定对方，认为嫁得过。Michelle受访时称之后还有广告拍摄工作，她指原本答应了未婚夫婚前一星期停工，如今食言令对方略有微言，直认近期工作增多令她猪笼入水。问到婚礼是否已筹备完毕？她坦言未，并指全交由经理人安排：“我经常安慰身边人，婚礼一定会有甩漏，唔完美先有记忆点。

​讲到她忘记未婚夫生日，她笑言：“佢问咗我3次，3月有冇特别嘢要做，我话冇，佢话我生日呀，我即时话我梗系记得，佢个人好细心，我就比较粗心大意，佢真系嫁得过。（佢送份保险畀你，你送咩畀对方？）我真系冇谂过，我好少送嘢畀佢。（送个BB畀佢？）太大份礼物，送啲细细哋礼物先。（你成个人送咗畀佢？）系，送咗个人畀佢，而且我都有煮饭同煲汤畀佢。”另外，Michelle在活动上被指是“娱圈牌王”，她透露有近10个牌照，包括车牌、船牌、潜水牌、导游牌、宠物传心师牌、钻石监证牌及救生员牌照等，她自言最近考虑考吊鸡车牌：“因为我爸爸系做呢行，细个见佢工作好辛苦，所以想考个牌去体验吓。”