连诗雅母女病足一星期新年报废 半岁女儿曾高烧40度

etin

近来流感肆虐，天气反覆加上冷锋来袭，市民染病机率大增，家有幼童更加要留神。连诗雅去年7月为陈家乐诞下囡囡陈星颐，岂料首个新春齐齐病倒，半岁大女儿更一度烧至40度。BB第一年过新春，通常都会扮靓到处拜年感受气氛，但连诗雅新年几日都未有更新社交网，原来两母女整个假期都病到要闭关留家度岁：“消失的新年。。。今年年初一一起身，我同个女一齐发烧，我就38.7度，我个女就39.2度。虽然话BB发烧，好小事，可能出牙，长高 之类之类，不过佢人生第一次发烧，加上我都几肯定应该系我传染个女，因为我之前嗰日已经开始咳得好劲。虽然我都有同佢保持距离但系都系避唔过。

同日嘅下午佢直头烧到40度，我已经吓到不停喊，陈生9秒9车我哋去急症，好彩检查唔系流感只系普通感冒，返到屋企食药咁就过左3日。。。”短片中见到星星坐在床上听妈妈唱歌，不时露出甜笑又懂得击掌，相当可爱亦终于病好，令Shiga放下心头大石：“我哋两个都好似昏迷咗三日咁，净系起身食药瞓觉，最后我哋喺屋企浑浑噩噩咁就过咗个新年。呢两日先开始回魂，所以话新嘅一年乜都系假，总之就身体健康开开心心食得瞓得，就已经好感恩。咁就喺屋企过左7日，辛苦陈生照顾我哋两个，边度都冇得去，希望我哋一家今年都健健康康#阿女终于精神返！”