杨明希望蛇年结婚 庄思明大泼冷水：对佢冇期望

etin

艺人杨明与女友庄思明昨日（23日）出席《爱·回家之开心速递》宣传，两人拍拖多年，问到蛇年会否拉埋天窗，他们笑言蛇年未到，着记者到了再问，思明称自己并不心急，可能已习惯相处模式，杨明直言望蛇年内结婚：“我哋会尽力同尽快，去处理晒所有嘢。有好消息会第一时间通知大家。（求咗婚未？）未。（有冇计划？）都有，但好多时谂完又畀人做咗，咁就唔新颖。”思明大泼冷水，自言不会对男友有期望以免失望，并谓：“佢最大嘅惊喜系冇惊喜。（家人有冇催你结婚？）冇，佢哋都习以为常。”杨明即时卖口乖，称女友就算结婚也不会变师奶，又大赞对方有烹饪天分：“佢就算系第一次煮嘅餸都煮得好食。”提到思明的姐姐庄思敏自爆疑收“KK园”邀约到泰国拍广告，思明叫大家放心：“佢唔会畀人呃，冇可能，普天下冇人有呢个能力呃到佢。（你有冇收过？）邀请我去开工就冇，电话诈骗就好多，试过收到银行讯息，唔留神嘅话就揿咗入个连结。”