《破地狱》随时破香港所有电影纪录 卫诗雅感动收许冠文结婚礼物

etin

英皇电影巨作《破地狱》，由陈茂贤执导、编剧，许冠文（Michael）及亚太影后卫诗雅（Michelle）携手主演，朱栢康、周家怡、秦沛、金燕玲、韦罗莎、梁雍婷、白只、锺雪莹联合演出。电影上映踏入第11个星期，最新港澳累积票房数字突破1亿5千8百万。而导演陈茂贤、许冠文及卫诗雅现身大围出席谢票。Michael笑言望《破地狱》票房收2.2亿，寓意香港人打破任何困难，他于谢票后分享感言，语重心长祝愿香港人及香港电影同样向好：“我同好多香港人一样，一生都希望进步同埋破纪录，一生人都曾经追求过几次，喺呢位天才洋溢嘅导演（陈茂贤）嘅作品又令到我再感受到一次。不过今次未破得晒，仲有6000万左右就可以破到香港所有电影嘅纪录，嗰部系2亿2千万票房嘅《End Game》（《复仇者联盟：终局之战》），如果大家已经睇咗四次，唔争在睇够八次。呢个唔只系我嘅梦，如果香港可以有一部2亿2千万票房嘅香港电影，咁就证明香港人可以做晒任何嘢，虽然暂时环境比较恶劣，不过我哋好快就可以破任何困难，任何嘅纪录。”

而Michael除了现身谢票，更为同场的Michelle带来一支酒作结婚礼物，Michael表示事缘自己下月跟家人外游，未能亲身出席Michelle的婚礼。因此于谢票期间惊喜送上心意，Michael更笑言：“之前我个女嫁之前，我都系同佢开咗支酒分享心事，仲同佢讲咗好多男人嘅秘密，不过就唔方便喺呢度讲，哈哈！”搞鬼的Michael更约定Michelle再聚，私底下分享。而Michelle接过Michael的礼物更眼泛泪光，她指：“好多谢Michael San，感觉真系多咗一个阿爸，好感动，我同Michael San个女一样都系咁啱叫Michelle，所以特别有一份亲切感。”至于同场的导演陈茂贤亦分享：“拍摄时因为每位演员都好专注演出，每场都要投入情绪，所以嗰阵其实大家都未有好多机会倾偈，反而系拍完电影一齐经历密集式宣传，又多啲时间互相了解，所以形成咗呢股凝聚力。”