马国明夺大湾区视帝 杨茜尧膺视后

etin

台庆颁奖礼上，艺人汤镇业、锺镇涛一齐颁发大湾区多个大奖，当中“大湾区最喜爱TVB剧集”由《黑色月光》夺得，监制锺澍佳率领台前幕后工作人员上台领奖，杨茜尧、林夏薇两位女主角先后讲感言，感谢无綫众高层以及台前幕后外，杨茜尧还表示：“最紧要多谢伯乐监制佳导，我估唔到佢会搵个师奶返嚟做女杀手，好开心接到呢个剧集，同咁多好拍档”，林夏薇亦好开心可以有一个可突破自己的角色。“大湾区最喜爱TVB男主角”由《飞常日志》马国明夺得，他得知一刻大感愕然，他亦是首度夺得这个奖项，马国明领奖时表示：“估唔到《飞常日志》会攞奖，唔系因为套剧唔得，而系因为套剧喺上年一月播，观众未必记得，好多谢大湾区投票嘅观众，同埋台前幕后嘅所有演员。”他还搞笑希望多些商业机构跟TVB合作，还可以拍《渡轮日志》、《港铁日记》，当然他亦不忘为自己主演的贺岁片《麻雀女王追男仔》卖广告，着大家多多支持。

“大湾区最喜爱TVB女主角”则由杨茜尧夺得，她是继2012年凭剧集《名门望族》夺得视后之后，再度夺得视后奖座，今次则是“大湾区”视后，她上台时已有点激动：“有啲紧张，点解咁快颁女主角奖？我仲系度谂如果有机会再上台嘅话要讲啲乜，好多谢大家，好多谢用过我嘅监制，多谢锺澍佳搵我返嚟。”说到此处杨茜尧忍不住哽咽：“我12年企喺TVB嘅颁奖台上，12年后用杨茜尧呢个名企系呢个台度，改名除咗为小朋友，亦想带到全新嘅形象比自己，亦希望呢个名之后，都可以畀到啲成绩，令小朋友为妈咪感到骄傲，仲要多谢经理人陈嘉莉，佢同我一齐25年，多谢我老公，有你喺我身边，好多嘢都可以唔Care，但亦因为你喺我身边，令我觉得可以做得更好，希望我哋两公婆嘅成绩，都可以令小朋友感到骄傲，多谢妈咪，大家有剧可以搵我，但要先比时间我搞掂屋企先，仲有多谢我嘅粉丝，对我25年都不离不弃。”

马国明于台后受访，被问到何解夺奖时又“天然呆”，他直言：“我冇想过会攞奖，多谢大湾区投票嘅选民。”马国明已集齐多个视帝奖，他直言现时最想攞男配角奖：“但今年应该唔够阿萧（萧正楠）争。（男配角奖咪降呢？）有奖攞已经好好。”杨茜尧则表示改名后能攞奖好开心，说到她在台上哽咽很激动，她谓：“不是激动系紧张，唔知仲有冇机会再上台，所以讲长啲。”至于“大湾区最喜爱TVB综艺及资讯节目”由《无穷之路IV－一带一路》夺得。