萧正楠一个顶几个 曹永廉力撑对方攞奖

etin

艺人萧正楠（阿萧）与曹永廉（阿廉）日前（28日）于广州举行音乐会，并邀得视帝黎耀祥（祥仔）担任嘉宾，3人合体令观众梦回剧集《大太监》，阿萧与阿廉讲笑谓请嘉宾有要求，就是不能靓仔及唱得好过他们，其后阿廉正经表示祥仔很有义气，一请即时答应，他大赞：“佢系我喺圈中好尊敬嘅人，除咗有专业道德之外，佢系从来唔发脾气。”3人提到当年在横店拍《大太监》时，每晚一齐食羊肉，身材由瘦食到变“肥太监”，祥仔笑言：“咁都好配合套剧，因为讲我哋喺宫中好食好住。”

另外，阿廉又拿阿萧未能凭《巾帼枭雄之悬崖》入围万千星辉颁奖典礼最佳男主角，反而降呢变最佳配男角来开玩笑，他说：“我都唔知点解佢系男配角，其实应该系男主角，我上年推晒所有男主角嘅戏，就系想畀机会佢攞男主角，点知今年冇入围。”阿萧自言无所谓，角色得到大家认同已经好开心，阿廉力撑好兄弟攞奖说：“你一部剧演咗几个角色，顶咗好多演员嘅位，令到人哋冇工开，你咁都攞唔到奖，我真系觉得唔应该，不过，唔紧要，大把机会，你仲有几年约系咪？”阿萧见对方口没遮拦即表示：“你再咁讲落去，你可能过咗今晚就冇（约）㗎喇！我哋今日有高层喺度。”场面搞笑！