钟欣潼被嘲肥肿晒V脸照反击 北京豪宅白色圣诞树劲有仪式感

etin

Twins成员锺欣潼（阿娇）日前喺伦敦站演唱会时，被网友发现身形再度暴胀，并瞬间掀起热议，相中所见身穿蓝色露肩长裙嘅佢，身形及面部都相当浮重，惊现包包面嘅同时，身形更系暴胀几个码，引嚟网友留言：“系咪浸咗喺海几日？”而不时透过社交网分享生活点嘅阿娇，日前就继续晒靓相，并分享道：“和大家分享一些世巡的美好瞬间～～一路所见所闻都很治愈，去了很多地方看了很多神奇的大自然，多了很多人生体验。”只见相中身穿红色冷衬嘅阿娇，鹅蛋脸得嚟皮肤更系白滑紧致，整体望落犹如初出道时一样Fit到漏！而近日圣诞节，阿娇亦喺社交网晒出喺家中布置嘅圣诞装饰，佢喺北京豪宅摆放咗一个巨型白色圣诞树，上面挂满闪亮亮嘅吊饰机迷你手袋，相当精致。阿娇仲准备咗唔少红酒同美食招呼朋友，其中好友周扬青喺社交网晒出嘅圣诞派对就同阿娇家中布置一模一样，相信两人系一齐欢度圣诞，周扬青仲大赞阿娇好有仪式感，笑指对方嘅白色圣诞树为佢带嚟唔少灵感。