郑嘉颖爆大仔乱讲“你碌废柴” 安排入读母校学好广东话

etin

艺人郑嘉颖、曹敏莉、歌手冯允谦（Jay）及云浩影（Cloud）齐出席活动。身为品牌代言人的郑嘉颖自言近年主力凑仔：“负责车小朋友返学、放学，由早上9时忙到晚上9时，但囝囝大得好快，所以要珍惜呢段时间，第二时车完佢哋就会叫我走。（系咪生女会贴心啲？）唔啦，系教育问题，如果佢哋三个一齐嘈，一齐叫爸爸，嗰种震撼感，同埋要答边个先，怕顺得哥情失嫂意，所以我都会叫佢哋冷静，逐个嚟问，虽然好忙，但都开心嘅，有太太同工人姐姐帮忙，佢哋返咗学同瞓觉时，我就有私人时间。”

​不过嘉颖最近开始为囝囝的升学问题而烦恼，扬言最大问题囝囝是不谙广东话，他说：“可能佢哋读国际学校，所以二仔只识讲英文同国语，佢明白我啲广东话系咩意思，但就唔肯讲，啲中文字似象形文字咁，所以我孤注一掷，打算帮佢哋报读我读嗰间学校，要有人同佢哋讲先会识。（成为你师弟？ ）系第三代，因为我爸爸都系读嗰间学校，不过系中学，佢哋读小学。”又谓快6岁的大仔广东话较好，因为他爱看周星驰电影，只是较“大镬”是他学识讲“你碌废柴”，但就不清楚意思。

问到嘉颖有兴趣再拍剧？ 他直言有捧无綫剧场，亦心郁郁再拍戏，无论是剧集或电影只要是好剧本及好玩的角色就有兴趣。问到近期锺意哪位演员？他说：“紧系祥哥（《巾帼枭雄之悬崖》的黎耀祥）啦，佢系保证嚟嘅。（依家拍剧系咪为兴趣？）依家屋企上咗轨道，都想出返嚟拍戏嘅，其实我只系识演戏，其他嘢都系白痴，就好似凑仔一样，都系从失败中学习。 ”问到可有想合作的女演员，他谦说：“我边有得拣对手，我呢个级数，一向都冇得拣，只可以拣角色同剧本。 ”问为何不拣有兴趣拍戏的太太陈凯琳做对手，他说：“佢已经系我女主角啦，我成个人生都拣咗佢啦。”

而Cloud刚自首尔度假返港，此行一家四口同游，主要是食喝玩乐及购物，她说：“都成年冇放假，趁父母身体健康，珍惜同佢哋旅行去旅行嘅机会，不过要照顾佢哋都唔可以完全放松。 ”问到可有艳遇？ 她说：“冇喎，冇见到合眼缘嘅‘韩仔’，亦都冇人撩喎，可能我太靓，所以啲人唔敢撩我，况且我都唔识韩文。（身体语言就可以沟通？）我唔得㗎，我要心灵沟通。 ”

至于Jay亦是和家人到济州旅行完返港，但女友已返加拿大工作，所以未有同行，他说：“之前开演唱会又要操练又要节食，所以请咗3日假，去食咗韩烧，初时以为够时间放假，但原来系唔够嘅。”又指公司本批了10日假期给他，只是觉得现时市道不好，如有工作就要争取，因此最终决定只放3日假，问到何时结婚？ 他指未有计划，因为他事业心仍然强，他说：“我年纪唔细，有机会就要冲，明年都未有结婚计划，但我已一早认定佢，我心里面只有佢一个。 ”又指女友相当支持他在事业上冲刺，因为女友之前带朋友到红馆捧他演唱会场后，有威水的感觉。