罗子溢赶返香港“陪女” 孖杨茜尧睇演唱会庆生

etin

艺人罗子溢早前为主演剧集《金式森林》返内地拍摄外景，且逗留了约两个月。近日终于完成内地戏份，昨日（28号）赶得及返港庆祝40岁生日，由于已多时未有“一家团聚”，子溢分配好时间“陪女”，他受访时笑说：“噚晚我先同太太杨茜尧去咗睇郭富城尾场演唱会，踏入凌晨十二点仲喺后台‘倒数’。今日我就去咗囡囡小珍珠学校嘅家长日嘞﹗”谈到庆祝活动，子溢表示：“都只系留喺屋企，同屋企人食饭同切蛋榚啰。（有乜惊喜？）囡囡亲手整咗幅画送俾我，我就准备咗个箱，将佢同细佬送俾我嘅礼物全部放入去，等佢哋大个可以睇番。（生日愿望？）小朋友快高长大，一家人平平安安，而我就多劳多得啦。”原来折返香港前，子溢获《金》剧台前幕后帮他预祝生日：“嗰几日拍紧我嘅主景，剧组就推出生日蛋榚，搞到我好感动。记得去年我就喺马来西亚拍紧《家族荣耀之继承者》，一样系好多人同我庆祝，今年可谓‘好事成双’，希望年年生日都有工开、一样咁热闹就好嘞。”而休息数天后，子溢便要复工拍《金》剧香港戏份，预算下月中才能正式煞科。