陈晓华朱敏瀚传秘恋逾年已筑爱巢 年尾仲出埠结婚？

etin

前港姐冠军陈晓华（Hera）近年获无綫力撑，先段参演重头剧《巾帼枭雄之悬崖》、热爆剧《新闻女王》等，去年至今已手持6套剧集，爆发演技赢尽赞赏，估唔到女神事业得意，爱情似乎同样得心应手，有传佢同爆肌男神朱敏瀚秘挞，二人更已拍拖超过一年，已经谂紧今年年年尾出埠结婚！二人于2019年合作剧集《迷网》而认识，该剧就系陈晓华卸任港姐后嘅处女剧，据消息指两人已拍拖逾年，为朝夕相对，亦已共筑爱巢同居。同时又传出，两人近日仲互相见埋家长，去到谈婚论嫁阶段，故两小口都打铁趁热，计划于年底飞东南亚结婚。就此事联络朱敏瀚好兄弟张振朗，问佢有冇听过对方提结婚一事：“我唔知呀，冇听过呢啲嘢，你哋问番佢啦。”