黄宗泽陈家乐新片掀炒风 马来西亚首映瘫痪交通

etin

艺人黄宗泽、陈家乐日前于马来西亚为英皇电影《扎职3》，进行首映宣传活动，现场非常墟冚，期间更有舞狮助庆，虽然下着雨，但仍无减一众粉丝的热情。进场时Bosco亦好识手跟大家握手打招呼，他接受访问时谓：“我哋都好赶，今日已经转战槟城，我都好耐冇嚟马来西亚，电影首映活动更系第一次做，现场好墟冚，仲好唔好意思，搞到现场塞晒车添，好大型，又舞龙舞狮！反应好好，呢度所有院线都爆晒，呢边戏飞仲出现炒黄牛，佢哋都话系第一次见。”

新手爸爸陈家乐已留守马国拍剧多时，爱女Camila出生数天便要离家搵奶粉钱，当然思家。前晚司仪提到与太太连诗雅及爱女视像通话，家乐有点尴尬，只简单说：“有嘅、有嘅。”又以马来西亚话自我介绍：“我系Saya keluarga gembira（意指家庭快乐），唔啱咩？我叫家乐嘛！即系家庭快乐啦！”谈到拍摄经过，他打趣自嘲“佗衰家”：“有场戏一Shot直落，佢哋摆我喺最尾，点知把道具刀一劈落去就断咗，真系不负众望被我搞砸成件事，要Take 2再嚟过！”