陈晓东孙耀威首度同台 30年友情靠靓样打开关系

etin

歌手陈晓东（东东）和孙耀威（Eric）同是90年代出道的歌手，两人相交逾30年，但在（24号）晚的电台台庆上才首度同台演出，两人合唱《哪谁》外，东东更有意组新晋男团重新出道，而Eric就谓组合叫“Black Black”。1995年于香港入行的东东尊称于1993年于台湾出道的Eric为“师兄”，Eric谓：“我哋最近仲约食饭，但一路都未约到，今次喺呢度，我就立即捉住倾，因为佢搞紧台湾演唱会，我就喺内地开骚，请嘉宾好难，所以就倾梗互相请对方做嘉宾。”东东指和Eric是很熟的朋友，可是每次都缘悭一面未能同台演出。
问到为何结成好友？Eric就笑言因物以类聚：“都系靓仔。”东东就笑指好友讲出事实，又指当年没视对方为竞争对手，因为觉得乐坛应百花齐放，Eric就话眼见昔日同出道的歌手仍活跃娱圈相当感动，而他早前跟台湾艺人吴奇隆见面时，谈及现时仍努力发展演艺事业，实属难能可贵：“我哋呢一辈系特别努力。（有传吴奇隆婚变？）我冇见到佢太太刘诗诗，呢啲唔好问我，我亦冇问佢，呢啲好难，我自己嗰啲都求证唔到，无啦啦畀老婆‘飞’，我啲钱畀老婆管晒，所以佢踢我走。”
而东东就说不要听外界传言，当Eric得知东东分别育有10岁的“朵朵”及9岁的“多多”两名女儿时，突然爆Seed谓：“哗，你生两个女，咁你第日都好惊喎，你以前有几咁…呀，你就受番几多。”东东亦言最近两名囡囡收到不少表白，男同学开口想跟女儿做朋友，问他如何为囡囡挡狂蜂浪蝶，东东就话：“我教个女，如果对方话锺意你，就叫佢爬上棵树度。（男同学好狼喎？）依家好狼㗎，有次开生日会，我个女4个月就畀人锡咗一啖，同我嗰个小朋友话佢完全冇放我在眼内，嗰个人仲话‘系咩’就走咗去。”Eric续说觉得生女是挑战，不过东东就自我提醒勿太紧张。

谈及Eric开直播相当成功，单计打赏都达千万数字，他边说边流汗谓：“我觉得网上系个自由嘅平台，庆幸自己做直播都多人睇，但唔系赚好多，加加埋埋都未必有千万打赏。（你紧张到流晒汗喎？）我好严明，一定交足税，平台啲打赏系交足税先再畀我哋嘅，我都叫香港、台湾啲艺人多啲嚟做直播，自己开创舞台，自己锺意唱乜就唱乜，不过真实舞台都有好玩嘅地方，可以见吓啲粉丝。”问到他们自组的男圑名为“Black Black”，Eric觉得可以合唱一首歌先，东东就觉得可带给粉丝新鲜感：“或者我哋叫F2，新晋男子组合，出年都可以报埋新人奖添。”Eric即举脚赞成：“一定赢，除非唔赢，敬老都要啦。”现时分别49岁的东东就觉得冷龄首要讲心态，至于51岁的Eric称和东东一样爱笑，拥有开朗心态最重要。