黄宗泽弹蔡洁出浴冇嘢睇 嗌开节目搵郭珮文着三点式

etin

艺人黄宗泽（Bosco）、蔡洁、袁伟豪、傅嘉莉及戴祖仪等，昨日现身油塘，出席无綫热播剧《法证先锋VI：幸存者的救赎》宣传。席间蔡洁初试啼声献唱剧集歌曲，事前更搞笑形容当刻心情“惊到濑屎”，满堂爆笑，而Bosco则被爆经常煲老火靓汤到片场万岁，相当好客。
受访时Bosco谈到剧情交代他于日本“疯癫寻妻”即坦言：“第一集就唔见咗个老婆，跟住我就全部对住空气演戏，尤其有一场企喺露台度喊，要不停keep住个状态及情绪，连贯二十几集真系好攰。拍咗咁耐戏，呢次都算有难度嘞！”至于“太太”王敏奕遗下“细佬”冯皓扬交由他照顾，Bosco对患有亚氏保加症的冯皓扬赞口不绝：“细佬几可爱又好玩㗎，觉得佢好啱做演员，起初都有啲担心大家嘅交流，点知去到片场佢系嗰个状态。”
蔡洁上辑险被关楚耀“生劏”，本辑关楚耀以另一身份回归，蔡洁预告二人将有感情线：“我仲因疑似杀咗佢而坐监。今次我哋铁三角（连同Bosco及袁伟豪）都带住沉重嘅心情演戏，所以收工都想去食吓好嘢放松，多谢Bosco嘅住家汤，佢会因应时节煲唔同嘅汤。”Bosco补充自己一早准备汤料北上开工时“劳军”：“因为知道大家辛苦嘛。”
谈到日前蔡洁的一场出浴戏码，Bosco竟打趣：“本来我都想留低睇㗎，点知佢话俾我听，只会有膊头同脚，咁我咪话冇嘢啰，哈哈！都唔明点解上集都有大露背吖，今次导演太保守嘞。”他又忽然提议：“不如下次我哋拍《法证先锋放暑假》，叫晒戴祖仪、郭珮文同蔡洁去海边晒三点式，但千祈唔好预阿Bob（林盛斌）喺度搞乱档，应该好有睇头。”