袁伟豪出动私伙古董车当道具 傅嘉莉：令我好放心咁演

etin

艺人袁伟豪（Ben）与傅嘉莉（Kelly）于无綫热播剧《法证先锋VI：幸存者的救赎》内大演对手戏，日前播出一幕Kelly“车厢崩溃戏”成网民热话，原来当时充任“车手”的Ben，出动私伙古董旧车当道具：“上一集辑我揸嘅车都系自己嘅，但去到呢辑开工，太太怀孕我就换车嘞，咪揸呢㗎啰。可以建立角色人切，达到画面效果，都系一件几正嘅事，咁剧组都有畀番租车钱我嘅。”
​Ben表示由于Kelly所有情绪戏自己都在旁，所以角色要充当聆听者：“同埋我本身都要令对手尽情发挥到自己想发挥嘅。（嚟紧会交代你哋有感情瓜葛？）作为一个男人，或多或少都会被佢美貌动摇，角色情况的而且确令我有少少思想上嘅混乱，谂唔清楚到底系一件咩事。好兄弟死咗我接收照顾佢屋企，‘朋友妻咪走鸡’都可能系人之常情，我哋只可以尽量演绎人性道德嘅选择。”

Kelly对于崩溃戏演出获赞，即坦言：“真系好多谢阿Ben嘅协助，试过因为人声嘈杂而影响拍摄，佢即刻揸架车上公路，令我可以好放心咁演绎。（由头再喊过？）系，不过嗰吓都全心投入，同埋想一Take过OK。如果唔系阿Ben揸紧车，我真系想再放尽啲，但惊有危险。”谈到有指今次出现“新人抢主角镜”的情况，Ben坦言不认同：“新人当然需要多啲机会去磨练，有新人亦都会有前辈，呢个系循环不息嘅。”Kelly则指本辑加入很多新元素，作出大胆的尝试，引起大家议论，证明剧集获得大家的关注。