卫诗雅赞未婚夫靓仔 精通艺术学术够理性

etin

艺人卫诗雅（Michelle）日前现身电台接受谭玉瑛（阿谭）、何基佑及麦皓儿节目访问，阿谭透露早年应张敬轩邀请到他家中出席圣诞派对，因而结识Michelle：“当日好多人，多人到都唔知见到边个，但Michelle嘅装扮好靓，顶帽又大又靓，吸引咗我望住佢，跟住就走埋去认识佢。”Michelle指当时既惊且喜，没想过由细睇到大的谭玉瑛姐姐会主动跟她聊天：“阿谭同我想像中嘅唔同，以为佢会唔讲嘢、好严肃，但佢好nice。”阿谭随即爆料：“当时Michelle男朋友都喺隔离，又系好靓仔。”不过刚接受医生男友周祉安求婚的Michelle就一脸尴尬澄清：“唔系嗰个，依家我未婚夫仲靓仔，好惊，哈哈！”

问Michelle结识异性是否以靓仔为首选？她表示：“又唔系，要倾到偈，价值观要相近，同埋一定要有嘢我好崇拜佢。（未婚夫有咩令妳好崇拜？）任何嘢，我觉得佢好叻，每次问佢问题，无论学术、艺术或者心灵上佢都解答到我，我系好感性嘅人，佢好理性，可以拉得住我。”另外，好学Michelle多年来考获导游、救生员、钻石鉴证及船牌等，由于未婚夫做医美行业，她于10月时将会考美容及化妆品等美学，又赞男友谓：“我未婚夫啲皮肤好好，又成日研究啲化妆品，我想跟到佢嘅步伐。”