朱茵自认严母同阿女斗智斗力 大爆黄贯中系猪队友

etin

艺人朱茵跟同校师兄潘灿良首次合作拍剧，两人剧内火花十足，饰演严师的朱茵自言面对青春期的女儿经常要斗智斗力，笑言老公黄贯中对女儿宽松，有时会由神队友变猪队友。艺人朱茵与潘灿良是演艺学院校友，两人曾在校内合作，毕业后相隔逾30年，才有机会在ViuTV原创剧《反起跑线联盟2》中再度结缘，潘灿良延续上集的虎爸角色，新加入的朱茵则饰演小学老师，要求严格到连虎爸虎妈都大叫怕怕，两人每次见面都要展开连场唇枪舌剑。

提到两人在演艺的往事，朱茵指对方曾演出过由她导演的戏，亦曾在学校同台演出，但没有对手戏，所以当潘灿良得知剧集邀得朱茵演出，觉得应该会很好玩。问到朱茵之所以答应是否被“反派”角色吸引？她直言：“呢个角色好有火花，未试过做一个咁有气场，咁得人惊嘅人，对我嚟讲系新尝试。（所有演员都惊咗你？）咁又唔会，剧中要有气场，最初我尽量唔同小朋友玩，因为我演老师，我希望佢对我有少少惊，后来都呃唔到佢哋，佢哋太醒，知道呢个唔系真正嘅你，你系扮恶。”

现实中，育有一女的朱茵自认是严母，但不及角色犀利：“如果小朋友犯咗错，我会讲佢知错喺边，冇得嘻嘻咁过咗去，冇得咁轻易放过，至于读书，最重要系你有温书，考成点唔重要，分数唔系一切。”她指女儿今年11岁刚踏入青春期，令她最劳气是礼貌方面，有时句句“顶到行”，作为父母要跟女儿斗智斗力：“佢想做某啲嘢，会千方百计推你去陷阱，我同爸爸（黄贯中）都要好小心去答佢，真系要用脑，考试咁。（老公系神队友定猪队友？）通常我谂到，佢话啱呀啱呀，佢就系神队友，但当我谂唔到，佢好多时变猪队友。（佢对女儿比较宽松？）系，前世情人，冇办法，每个爸爸都应该有个女润吓，个女一叫爸爸返嚟食饭，好过阿妈叫10句。（安排好囡囡嘅升学计划未？）要睇佢锺意乜，我哋计划咗，都要佢做先得，不如畀佢自由，最重要系大家开心，教识佢人生观同价值观，点样执生，紧要过读书。”

至于潘灿良跟太太苏玉华膝下犹虚，他坦言虽无教儿烦恼，但也没有他们的幸福与完整性：“但呢个系我哋嘅选择，我哋就好好享受依家嘅生活，有时都会倾以前系咪应该生小朋友，但谂嚟做乜，都过咗去。（因为小朋友喺香港生活压力大，所以吓怕你？）冇，我哋冇好详细倾过唔要小朋友，都只系好随缘。”