钟嘉欣广州开演唱会 “处女党”齐人撑场

etin

艺人锺嘉欣（Linda）日前（10日）假广州中山纪念堂举行演唱会，全场座无虚席，好姊妹岑丽香、李亚男、苟芸慧、王君馨及好友黎诺懿与太太李洁莹更拉大队到广州捧场。Linda在演唱会一共演绎了21首歌曲，以经典金曲《一颗不变的心》揭开序幕，期间更不乏跳唱快歌《Love Love Love》、《得闲找你》及《梦伴》等，令全场High爆，她表示：“今次演唱会系花咗好多心思，一步一步计划出嚟，最大挑战系跳唱环节，始终好多年冇跳舞，所以我跳出舒适圈好努力咁练习，好开心最后可以好顺利完成，希望自己可以继续做到老学到老，继续挑战新事物。”
提到最难忘一幕，Linda不讳言是献唱《我结婚了》并向观众扔花球：“唱呢首歌，之后扔花球畀观众，其实2015年突然结婚嘅消息，当时刺激咗好多锡我嘅人同粉丝，之后我再突然离开香港生活、生仔，好多粉丝都冇见证到我嘅婚礼，呢个环节好似之前结婚咁，分享番呢个重要时刻，而花球里系好特别，有我写嘅字句。”
​对于一班好姊妹专诚撑场，Linda大感惊喜：“唔知道佢哋会嚟，之前君馨又话要开会、亚男又话要返工，个个都好似好忙咁，佢哋突然间出现晒，好惊喜。”然而由于路途遥远，故其家人未能到场，她直言：“佢哋都觉得有啲可惜，希望将来佢哋可以睇到一次我嘅演唱会，我同囡囡讲‘唔紧要，妈妈会继续加油，下次睇我演唱会，演出会更加劲嘅’，而我老公，佢一定急不及待完骚后喺网上搵片嚟睇。”而完成个唱后Linda笑言要食好多煎炸热气食物：“因为呢排要好好养声练气，饮食上都好节制，完骚当然要食餐劲，同埋想第一时间返加拿大见我老公同啲小朋友，好挂住佢哋，我哋日日都有视像，有时短暂嘅分离，会令大家关系更加思念。”