女儿遗传跳舞基因！郭富城拒做专制爸爸：畀佢哋自由发展

etin

天王郭富城（Aaron）日前作客无綫娱乐新闻台节目《StarTalk》接受主播许文轩（Edmond）专访，大谈即将举行红馆演唱会感受。Aaron说：“8年前开过红馆演唱会，做完之后，其实觉得都要隔一段时间先再做，最低限度4年。中间一直都系电影产量比较多，估唔到4年又4年，要隔8年先再做，原来8年都系一个几长嘅时间！（饿咗好耐？）直头饥荒，因为每次喺红馆做演唱会都会推到个人去到最高，好期待今次企喺红馆上，可以推到自己几高！”

谈到如何为个唱作准备？Aaron说：“今次差唔多全部舞蹈都系新，自己都好期待，我嘅团队当中，有好多舞蹈员跟咗我好耐，有啲结埋婚㖭，但系依然对跳舞有热诚，今次加咗啲新嘅舞蹈员、年轻嘅舞蹈员，可以新旧融合，大家一齐交流，而且今次又有美国嘅排舞师嚟帮手，协助同提升佢哋嘅舞蹈同技术。（培育女儿跳舞？）佢已经有我嘅因子，自动波！佢哋两、三岁嘅时候已经上芭蕾舞堂，亦有学唱歌！不过我会比佢哋自由发展，我唔系一个专制嘅爸爸，佢哋锺意就畀佢哋试。”他又指多年来对于饮食有严格的控制，尤其现在成为爸爸，是一个Family Man，这7年里通常都在家中吃住家饭，连以前好锺意的打边炉都甚少再去。