家佣玩失踪！孙慧雪无奈报案：我同老公都认命嘞

etin

艺人孙慧雪昨日（3日）现身湾仔，出席一个婴儿用品活动。谈到日前她于网上剖白工人姐姐失踪的故事，再加上以往多次在这方面遇上麻烦事件，阿雪无奈苦笑：“我同老公都认命嘞，今次呢个姐姐做咗5个月，觉得佢好锡BB（细仔）添。我哋成家之前去咗美国旅行，仲借钱畀佢买机票返屋企放假，估唔到佢突然清空晒所有嘢玩失踪，只系Send张相畀我另外一个（工人）姐姐话自己怀孕。我老公同我见到咁，唔想刺激佢，惟有等吓，点知原来张相根本系网上截图，依家惟有去报案。”
​阿雪直言今次可谓没有损失，但之前试过家佣偷钱，损失数万，但因为一时心软，没有告发对方：“其实呢几日我都开始搵紧人嘞，我谂最嬲系留低嗰位姐姐，因为佢依家要一脚踢，我就放工即刻返屋企帮手，都唔敢再谂暑假去旅行，最紧要请到姐姐先。（大仔有冇帮手凑细佬？）有，不过佢都唔系好搞得掂，遇到问题就大声嗌我，哈哈！”谈到接下来工作安排，阿雪透露：“搞紧个中年选美比赛，又主持咗个饮食节目，同埋依家同啲朋友夹份搞紧首饰生意，买培育钻石，试吓以网店开始，算系学紧嘢啦，所以都比较忙。”