张頴康欧洲拍剧带埋老婆

etin

艺人张頴康与区瑞强日前（2日）出席仁济慈善高尔夫球赛，頴康虽然正在内地拍摄新剧《巨塔之后》，但他笑言几乎每日都来回内地与香港：“因为放暑假，小朋友见唔到我会诈型，特别中间嗰个，佢今年6、7岁特别痴身，有日话你唔同我食饭跟住就喊，总之够时间我都会返香港。（但系暑假冇得去旅行？）都可以，但唔敢去得远，都系内地，如果临时剧组改通告，我都飞得切。”他透露剧集预计在内地拍摄至8月尾，9月便移师到欧洲的布拉格取景，他笑言:“太太好开心，佢第一时间话跟埋去，但就唔会带小朋友喇！我欠咗太太嘅欧洲之旅十几年，太太未去过欧洲，拍拖时答应同佢去，但结婚后好快又有小朋友，生完一个又一个。（会唔会到时喺欧洲又造多个？）我唔会再畀呢件事发生。”更讲笑谓出发去欧洲前会先自宫。
至于区瑞强代表艺人高尔夫球会参与，提到其弟弟参加《中年好声音3》，他坦言：“我从来冇谂过佢会嚟参加，我都系睇报纸先知，佢冇同我讲。我问佢怕唔怕输，佢话唔怕，我话咁你go ahead，我全力支持你。”讲到弟弟面试时获赞，他笑言：“可能因为评判同我熟，唔好意思踩，如果入到100强已经好开心，其实弟弟都有帮我做音乐制作，对音乐圈都好熟，佢同评判伍仲衡都熟，不过识先死，识反而唔可以松手，仲会严紧啲。”他又指若弟弟向他请教，他会向对方过两招。