张振朗畀粉丝重重包围 吴业坤除低眼镜惨变工作人员

etin

由张振朗、陈自瑶、吴业坤等主演嘅新剧《刑侦12》正喺佛山开工，连日嚟已经有唔少网民捕获一众艺人，当中张振朗内地人气特别高，日前有粉丝影到佢离开拍摄场地时，意外地出现畀女围情境，非常壮观！有粉丝现场追星巴时，影到张振朗收工离开，被近20位女粉丝蜂涌而上，将张振朗重重包围，张振朗虽然被吓亲，不过都笑晒口狂讲“多谢”，又友善地同粉丝签名、合照，有求必应。不过有眼利网民就发现，与张振朗同行嘅“工作人员”，竟然系冇戴眼镜嘅吴业坤，而吴业坤都非常识做，见到大批粉丝涌向张振朗，佢就自动波默默行开，期间仲阴阴嘴笑，呢一幕咁啱就被粉丝摄入镜内。有网民发现后，有人戥吴业坤唔值，话佢行过都无人理，好离谱，不过更多网友笑称佢冇戴眼镜先会认唔出：“不戴眼镜可能难认”、“他的皮肤就系眼镜，本体无了就认唔出”、“一开始以为边个靓仔。”