谢东闵望40岁前突破樽颈位 淡定离巢：走就唔好惊

etin

艺人谢东闵自2010年参加《超级巨星2》后而加入无綫，之后他拍过不少电视剧，近年作品包括《杀手》、《香港爱情故事》、《七公主》、《智能爱人》、《旁观者》、《本尊就位》、《夺命提示》等等，向来唱得的他亦唱过不少剧集主题曲，不过，为TVB效力14年的他，日前已约满，而他亦决定离巢外闯，不再续约无綫。谢东闵接受访问，他坦言已留在TVB一段很长的时间，现年38岁的他希望40岁前有个新开始，而今次决定亦深思熟虑：“今日唔走，听日都走，系唔舍得，但都要走，要有个新开始。之前都有同公司倾谈合作方针，不过冇乜进展，大家谂法唔同，将来想行嘅路向都唔同，我一直都想继续喺音乐方面尝试多啲嘢，都系时候要变吓，依家好似陷入樽颈位咁。”

之前他与吴业坤一同投资开了音乐学校，现时学校发展相当不俗，不少旧同事都有“帮衬”，他谓：“依家经济唔好，都算系咁，守得住嘅！”问到他离开TVB后会打算甚样发展音乐事业时，他不讳言：“话唔定之后会自己投资出歌，乜都试吓啦！（唔会感到彷徨？）唔担心喎！我依家好开心，入行咁耐未试过离开娘家外闯，心情好轻松，走就唔好惊，惊就唔好走。”近年不少艺人都离巢无綫外闯，有不少人都指人工少、机会不多，说到此时，谢东闵指他一直跟公司的关系良好，说到人工时，他谓：“我只可以讲TVB对我好好嘅！今次离开都系开心，乐小姐（乐易玲）对我都好好。”

谢东闵圈中好友甚多，包括好兄弟张振朗、陈山聪及袁伟豪，他们于无綫多年都剧接剧，问到他今次离巢事前有否跟兄弟们商量时，他谓：“冇，纯粹自己决定。（冇留恋？）唔舍得公司啲同事啰！我早两日都专登返公司同啲同事Say Goodbye！”说到女友朱智贤离开无綫外闯后，工作显然比之前多，问他是否都受对方影响时，他谓：“冇关系，每个人际遇唔同，我依家冇倾任何经理人及公司，自由身，出咗去先算，都想试吓唔同嘢！（情侣档接Job？）可以呀！希望大家搵我哋一齐工作，我依家都接咗马来西亚登台骚及2个商演。”至于女友朱智贤接受受访时则坦言谓：“佢做咩决定我都会支持嘅，佢有问我意见，不过我话呢啲决定你需要自己谂清楚，旁边嘅人帮唔到你去决定，我同佢讲最紧要决定咗唔好后悔就得啦！（一齐搵银？）当然如果可以，依家可以一齐接Job就好啦，有钱齐齐搵。”