周慧敏弗爆影演唱会海报 唔满意身材要瘦多2吋腰

etin

周慧敏（Vivian）相隔7年再踏澳门举行个唱演唱会，早前在社交网宣布将有个升级2.0 版的全新Rundown及舞台服装，故此公开收集跟粉丝的合照，望可于个唱的屏幕上出现，分享大家齐成长的历程，一度掀起“送相潮”。Vivian直言人生之中，除家人、猫咪、好朋友及歌迷占去大部分回忆，她感激谓：“每个支持过我嘅人，都成就咗今天嘅自己，所以喺仲有能力、心力时，希望能为爱我嘅朋友好好表演，回报佢哋嘅爱，今次演唱会，除咗以歌会友，我想同观众可以好似好朋友咁嚟一次深情告白。”

日前拍摄演唱会海报时，无论身形或外貌仍然状态大勇，但她却不满意：“手脚OK，但条腰起码要再瘦2吋，咁着舞台服会好睇啲，我估到演出当日仲会再fit啲，因为我一忙就唔记食嘢、唔识饿，每次开show都系咁，系咪好奇怪？今次系我嘅大挑战，因为未试过得一个半月时间筹备，喺咁短时间处理好多嘢，破晒我纪录，不过我唔想错过每个可以令支持者开心嘅机会，所以我经理人古巨基太太话我知8月31号启动巡演，我都愕然咗一下，但好开心咁答应咗，因为我心里面满有平安，相信团队照顾。”

自认是紧张大师的她，前期密集式工作一度令她肾上腺素上升，她说：“我同经理人透过一个网站订购咗批唔同品牌嘅高级订制服，有啲明明话四星期内送到，点知畀咗钱，网站再通知话会要成八个星期至十二个星期先有，我哋笑住话系咪遇上骗案，希望啲衫只系迟少少，唔好迟得太离谱或者送唔到，就系因为咁，我哋做紧两手准备啦。（订咗几多钱衫？）唔好讲啦。”

Vivian近日已经开始为演唱会排舞，不停开会研究个唱内容，令她心身俱疲，幸好每次回家见三只宝贝猫等她，压力即全消：“我都即刻就冧冧猪。”见Vivian上载和猫猫在床上对话片，当她说要离家几日时，猫咪就露出“嬲嬲猪”表情，令她啼笑皆非。她说：“个只叫‘猪皮’，三只猫都好爱爸爸妈妈，不过‘猪皮’明显特别爱妈妈，我唔出街佢就最开心。”她又指因“猪皮”相当黐身，为免爱猫不悦要减少旅行。