姚子羚睇淡离巢潮 留守娘家争“后”座

etin

艺人姚子羚近日于无綫剧集《反黑英雄》饰演黑帮大嫂，演技大爆发获网民激赞，更力推她做今届视后，她表示能够在大家心中达到视后水准已经好开心：“我冇谂太多，唔会每拍一部剧都谂住要拎视后，不过当然如果有依个机会系开心嘅，但下半年有其他剧会陆续出街，亦都有好好嘅女角色会出现，例如杨茜尧、胡定欣佢哋饰演嘅角色。”又言只要观众认同她达到“视后”这一个水准已经足够，但如果有奖就锦上添花，让人生多了一件事可以回忆，是一个实在的肯定：“每年最佳男女主角得一个，当你有机会入围去角逐，就已经代表咗你系嗰个行列嘅人。”
提到无綫最近不断有资深的艺人离巢，姚子羚笑言自己都是一位“老人”，表示旧人离开，新人加入是正常现象：“我相信唔系得我哋，每间公司去到一个阶段都有人走，同埋随住一个年纪上嘅增长需求嘅嘢都唔同，咁人哋就会选择去行其他嘅路，旧人离开，有新人入嚟系一个循环，冇停止过。（你自己会唔会想离开另觅发展？）我暂时都有好好嘅工作机会，虽然产量唔多，同埋暂时都冇谂咁多嘢，因为仲有约，将来事将来先谂，希望再有多啲知名度先。”又言现在最想完成的工作是和一班好姊妹完成“胡说八道”演唱会，并且想挑战舞台剧：“因为舞台剧嘅演出系冇Take Two，每一场公演都要做好，唔似我哋拍剧可以剪辑，所以我觉得舞台剧系一个几好嘅磨练。”
现年43岁的姚子羚长期未再传出恋情，问到会否随着年纪增长愈来愈心急找另一半？她说：“其实同年纪冇关系，唔代表你年轻嘅时候就唔需要人陪伴，不过唔同年龄，想搵嘅对象要求都会唔同，依家嘅我最主要系搵到一个同你心灵沟通得到，思想上相近一啲，价值观好相似嘅人。”又言结婚对她而言，对象必须是一位可以白头偕老和不离不弃的人，而且结婚生小孩不是她人生清单必做的事：“有啲嘢唔到你谂，特别系感情，工作可以努力争取，但拍拖唔得，真系要大家合眼缘，大家真系要相处过，同埋要磨合过。”