马国明贴地坐高铁二等位 200几蚊就有得见视帝

etin

视帝马国明一向贴地，平时都成日畀人撞见佢去街场踢波、搭地铁出入等，近月佢就为无綫新剧攻陆做宣传，加上新剧亦喺佛山拍摄，好多时间都用咗喺交通上。频频要返内地开工嘅佢，估唔到贴地习惯冇变到，近日就有网友表示喺高铁撞到佢，亲民作风更系迷到一众内地粉丝。有网民（7日）上载喺高铁广东南站野生捕获马国明嘅相，素颜上阵都同对方合照，一啲视帝架子都冇，该网民事仲自爆二人交流经过，非常爆笑。网友指自己认咗成40几分钟先确认系马国明，到站时先敢问对方：“请问一下你是明星吗？”马国明即点头叫“你好”，更被发现身为视帝嘅佢，竟然只系坐价值236元港币嘅二等车位，难怪网民对佢一致好评，狂赞：“竟然坐二等座真的很接地气”、“佢好悭家”。