林峯“米线控”发功 改造老婆变“辣”妹

etin

艺人林峯凭主演电影《九龙城寨之围城》人气翻倍，近日获不少品牌邀请出席活动，日前他担任“谭仔云南米线”试食专员，吸引大批粉丝闻“峯”而至，场面热闹。席间他放闪指以前不嗜辣的太太，竟跟随自己口味变身“辣妹”！虽然只是试食，但林峯身穿黑色礼服，胸口扣上“勋章”现身，相当Sharp醒。受访时他自爆一向是“米线控”：“米线系其中一样我最锺意食嘅嘢，不过有时为咗Keep fit，只可以食半碗，我就连汤都饮埋，一啲都唔放过。本身好锺意食酸辣，但开工就唔可以放肆喇，因为我肠胃比较敏感，食完惊去得好畅顺，哈哈！同埋会好大汗，食完嘅话相信要落咗个妆再化过先得。”他又爆太太张馨月自从与自己一起后，口味亦有所改变：“佢系江苏人嘛，以前真系唔系好食得辣，但依家佢食香辣喎。我反而觉得几辣，不过每个人口味唔同。（囡囡呢？）太太有时会畀佢试吓，佢OK喎。”他又透露近日妻女来港生活：“囡囡嚟上暑期班，所以我会同佢哋行吓街，支持吓香港经济嘛！”

《九》片令林峯更加名成利就，他不忘再次感谢导演郑保瑞：“系佢畀机会我去尝试新角色。（你近期真系好多Job喎！）搵食艰难呀，咁我哋所有演员都好充实，除咗拍嘢外有好多活动要出席，有时透过活动又可以敍旧，私底下大家亦会约食饭。（今日酬劳好高？）OK啦。”他又提到同片演员胡子彤及张文杰已飞往马来西亚开工，“城寨四子”果然感情深厚。问到荷包胀可会奖励太太？林峯即笑说：“每个月都有家用㗎，太太买嘢好实际，转季咪买吓衫啰，唔一定要买包包。（你自己呢？）男人通常对试衫冇兴趣，觉得系件好攰嘅事。我平日比较不修边幅，而且胡须生得好快，所以《九》片‘陈洛军’一角就啱晒我。”另外，林峯将担任马季赛马日闭幕表演嘉宾，本身是会员的他打趣指平日很少下注，其会籍平日只是用来进出餐厅食饭。