邝洁楹耍棍操Fit 求加咀戏献萤幕初吻

etin

艺人邝洁楹（Judy）日前为无綫新剧《武林》开工，饰演一名棍法高手的她，剧中受师傅戴耀明传授麒麟棍法。提到此剧动作场面多，Judy表示事前也练习了3个月，她笑谓：“支棍仲长过我个人。（打到飞天？）唔系我啰，我得4场，其实合理嘅，因为我同剧组讲现实世界冇理由出街都拎住支棍，好似长期搂打交咁，结果改咗啲剧情打少咗。”今次是她首次耍兵器，除了勤练棍法亦要练劈腿，坦言感到辛苦：“因为棍唔可以话即场教就玩到，例如正、反花，要识得扭，每次练3、4个钟。”她笑言吊威吔还比较轻松：“棍冇得唔出力，Hea会打唔到。”性格好动爱玩的她，除了比其他演员“打得少”外，就连跳海戏份也“得个睇字”大叹可惜：“好期待呢个跳海环节，睇戏见人跳觉得好型㗎，点知剧组Book咗替身！（同导演自荐？）有讲㗎，因为要绑住双手跳，可能佢哋惊我上唔返水，好可惜。”

她指做演员应作不同尝试，问到家人不会担心安全？她笑言事前不会跟家人报备：“危险嘢拍完先畀佢哋睇会好啲。（男友都唔知？）唔会特登讲，始终佢唔系呢行，我唔会话好兴奋呀可以跳海，唔会有人明白呢个心情啰，哈哈！”她表示男友不会设限不准她拍甚么，但笑指自己的萤幕初吻还在：“拍咗正剧4年，感情线都比较弱，可能佢哋觉得要至少1米65嘅女仔先配到，哈哈！”她指近年韩剧也兴起身高差CP组合，笑指会继续努力游说监制们给她浪漫感情线。