袁伟豪想80岁都仲做紧嘢 姚子羚开心有新CP

etin

艺人袁伟豪（Ben）与姚子羚昨日（30日）现身无綫剧集《反黑英雄》在商场举行的宣传活动，Ben的太太张宝儿带同BB“袁咕碌”捧场，认真有爱。提到太太与儿子到场，Ben表示因为今日是星期天家庭日，故把握时间聚天伦，又指现时绝大部分时间都宅在家陪家人，只能趁早餐时间或待BB晚上睡觉后才能跟朋友见面，讲到早前BB病倒，他称已无大碍：“当日我由内地返嚟，BB发高烧，烧到39度几，我即时带佢去睇医生，见到佢个样好呆，真系好肉赤。（照顾BB好攰？）都唔会，同宝儿互相调节时间同支持。”
讲到网民指他在《反》剧中的样子，相较在2017年在剧集《使徒行者》时成熟不少，并为他的身体状况感忧心，他大方谓：“咁都好理所当然，拍《使徒行者》时我30出头，依家唔会好似以前咁童颜，而且拍《反黑英雄》时啱啱BB出世，我又同时拍紧两套剧，所以个样系有啲攰，眼袋大咗啲，所以都唔可以怪人咁讲，网友嘅意见都系一个提醒，我依家会做多啲Facial。至于身体真系冇以前咁好，自从拍完剧集《铁探》，当时好激咁饿瘦自己，搞到依家个状态都反覆，时好时唔好，我开工食好少嘢，但放假就会放松啲，又畀人话我似未坐完月咁，依家要出嚟宣传剧，我都会Keep番好啲。”问到会否介意被指成熟？Ben豁达表示不介意，认为是人生必经阶段：“我睇番以前童颜状态嘅自己系One and only，大家都系睇住我成长，希望80岁都仲系做紧嘢。”身旁的子羚笑言若80岁仍是20岁的样子反而很恐怖，问她会否介意被指老？她坦言：“依家最好唔好，畀少少时间我，希望大家接受我哋陪住大家优雅地老去。”