袁伟豪享受拍吊颈戏 颜仟汶逃跑抢焦点

etin

由陈山聪、张振朗、袁伟豪（Ben）、朱晨丽等主演的无綫剧《反黑英雄》反应不俗，（28日）播出的一集中，Ben惨被吊打的亮点，该场戏难度非常大，Ben被绳子勒着颈部兼被吊起来，脚下仅有几块砖头作支撑，之后连脚下的砖头踢走，Ben即时凌空不停脚揈揈，面容扭曲兼连脷都伸了出来，状甚痛苦！Ben透露吊颈戏是其亲身上阵，虽然场口只有约1分钟，但足足拍了一整晚：“畀人吊起时，颈后面虽然有威吔吊住，但始终都系勒住条颈，我向下坠时条绳虽然唔会继续勒紧，但始终都会影响到呼吸，与此同时我又要继续投入去演戏，所有都有啲难度。”问到会否觉得很辛苦？他笑言：“因为演戏嗰时系全情投入，当刻只会觉得好享受，但返到屋企梳洗时，啲攰先开始嚟料，嗰时先知原来当时系几咁用力，其实都系一种享受嚟！”

​另一抢焦角色要数颜仟汶（Sophie），她在剧中饰演一名滥药者，其中一场她要口吐白沫兼且极虚弱的状态，Sophie表示为了看上去更贴近角色，拍摄前刻意极速减磅：“接呢个角色时我仲系有啲肉地嘅，话明系个滥药者，冇理由系肥嘟嘟㗎嘛，之后用咗一个礼拜时间减咗10磅。妆容方面，第4集出场时已经系最靓女，之后嘅戏都系近乎素颜上阵，个头随便夹一夹就埋位。”她续指呕白泡戏好难忘：“当日好冻，因为要不断咁瞓喺地下度，地下嗰啲寒气令我好容易投入到嗰场戏！”提到有网友赞她身形和外貌保养得宜，她笑言：“我都54岁喇，其实身形真系难Keep嘅，因为到咗某个年纪就净系识得肥，唔会识得瘦，所以我通常都系少食多餐，食少少唔饿就会停，唔会食得太饱或者过量。同埋我好锺意做家务，加上我养咗几只猫，净系吸尘、扫猫砂已经够我出汗同减肥！”