炎明熹离巢风波后首度现身 TVB冇派记者采访被冷待

etin

炎明熹（Gigi）昨日（29日）出席MOSTown新港城中心活动，在台上献她唱完歌《Little Magic》后，再唱首次现场演绎的新歌《还有一艘救生舱》前，她似有感而发：“依家开始要自强。”和“Gi炎粉”玩两个游戏时，其中一个游戏道具是水泡，似乎相当应景，之后再玩挥旗仔游戏，见她表情多多，心情不错，台上活动约34分钟就完毕，陪同她出席活动，除有经理人及唱片公司宣传人员外，还有她的姑丈。
自4月演唱会后，首次出席公开活动的她，问到Gigi唱歌时声沙，她说：“可能天气热问题，同埋女仔有啲嘢而导致有啲沙，（关唔关心情唔好事？）我心情还好，热容易令人躁底，尤其是我，但我觉得呢度气围好好，心情都兴奋嘅，都有一段时间冇同大家见面，见到大家咁热情，（佢哋改口号嚟支持你？）我都惊讶咗，佢哋啲口号比以前长咗，第一次听。”问到传因续约问题被无綫雪藏，她笑住谓：“我今日嚟到，算唔算雪？同大家见面都ok嘅，希望大家对我感觉冇变啦，因为唱到《还》时，有啲好感动感觉，上次演唱会喊到唱唔到成首歌，今日正式再唱时想喊，但系忍住啰，想喊嗰个点系因为估唔到佢哋唱晒出嚟，今日冇戴耳机就听得更清楚，虽然我今天唔系唱得清楚，希望大家多多体谅啦。”

问到她可会和无綫续约，她说现时仍在倾洽中，工作由公司安排，望大家多多支持，她说：“合约嘅嘢又比较私人，顺其自然，随遇而安，一切都系最好嘅安排，（唔饮水思源嘅报道会唔会令你动摇？）其实做人系有原则嘅，但不忘初心同感恩系好重要嘅嘢，其实做好自己最重要，因为呢个世界太多人会讲嘢同想做嘅嘢，所以做好自己最重要，每个人都有自己想做嘅嘢。（要倾几耐？）我发现人大咗有啲嘢唔系咁简单，亦有啲嘢唔系谂到咁复杂，要用自己思考去判断所有嘢，我人大咗都有啲谂法如唱歌呀，想去尝试，大家不妨期待一吓。”她直言有和无綫反映想法亦获得支持，亦想助她有更多发展同完成梦想，又指自己不忘本：“我畀大家认识都系公司，亦有自己粉丝，我唱歌有表演，我呢个都系帮咗我，（点解倾咁耐？）你又知耐？（成数有几多？）我一直都想和和气气同好开心，我系好担心锡我嘅人唔开心，好想大家正能量，我宁愿自己唔开心多过大家唔开心。”

她又指没接触其他唱片公司，而亲笔写信是为免歌迷而作交代，不想锡她的人担心。问她对续约有何要求？她说连自己也不知：“我又唔系倾好多嘢，接触得好少，有时做音乐咁，问我想点，我都答唔到，我会问佢哋想要啲乜先，自己再配合，我经验尚浅，都唔知自己要啲乜嘢。”有谓无綫没派采访队到场，她就觉得可能档期问题：“佢哋唔得闲。”至于她未能出席港台颁奖礼，她解释撞期所致：“有机会都想再上台，因为音乐系好神奇嘅事，（公司只安排商演，唔安排颁奖礼等活动），按公司安排工作系正常，可能最近比较多私人活动，大家唔会经常见到我。（满意最近工作量？）每一段时间都有唔同工作量，我觉得还好，但都想多见粉丝，和爱锡我嘅人。”

讲到After Class三缺一开演唱会，被飞起的她指其他成员早前忙考试，所以公司安排演唱会给她们和粉丝见面，问可会到场观赏？她则大卖关子：“如果到时见到我就欢呼啦，讲笑。”被问到未来的工作安排，她回应：“希望大家见到我就多多支持我。”至于相隔一段时间没有公开露面的原因，她坦言：“公司安排啲乜嘢就乜嘢，同经理人已经有一啲私人嘅活动可以同大家见。”再问到最近甄妮曾发文怒轰TVB疑为她出头，她坦言有留意过这个消息，并表示：“我有睇过呢个post，但系我唔知道系咪讲紧我，我都希望自己可以继续加油，努力去装备自己系一件好重要嘅事。”