吴镇宇新片票房报捷 愿刘青云永远做对手

etin

艺人吴镇宇与彭秀慧昨晚（28日）现身戏院为电影《谈判专家》谢票，镇宇透露特地由内地工作返港谢票以尽演员责任，稍后又要赶回北京出席另一部电影首映，来去匆匆。提到电影票房达1600万，问他可感满意？他坦言：“好满意，票房系重要，但观众话好先饮得杯落。（大受观众好评？）咁开续集啰！（刘青云话想原班人马拍喜剧版《谈判专家》？）佢最锺意拍喜剧，我冇问题，乜题材都拍，尤其系新导演嘅戏，我系全身奉献，我时日无多，难得佢哋唔嫌弃，新导演就好似开道门畀我吸啖新鲜空气，佢哋谂嘅嘢系黄金时期嘅电影唔会出现，期待有下一个许鞍华同徐克。商业片已经有人维持，新导演拍嘅第一、二部戏，系决定到之后行唔行到落去，咁先可以帮到电影发展。”
对于青云笑指镇宇不介意对手在演技上胜他一筹，但最介意别人比他靓仔及chok，镇宇即谓：“我希望佢系我永恒嘅对手，佢已经系我永恒嘅朋友，做埋我对手就无忧，佢攞奖，我做靓仔，安乐晒，唔好打破我不胜嘅纪录。”至于彭秀慧直言在戏中跟青云与镇宇合作大感荣幸，要好好纪录下来及请导演吃饭，当提到一齐拍续集时，她无奈表示其角色已死，镇宇笑言：“讲你个仔嚟复仇啰，如果系女嘅话就色诱我哋再复仇，好多韩剧都有呢啲狗血剧情架啦！”