方力申佛山个唱Maple激罕伴舞 高挑出众任影唔嬲

etin

艺人方力申（小方）自公开有女友叶萱（Maple）后，二人罕有放闪，就连合照及合体现身嘅机会都在冇，虽然小方成日提住女友，但始终未被大众真实见过拍拖。点知上周小方举行首个内地个人演唱会佛山站，除有得听小方献唱多首金曲，及早前已经预告过会现身嘅好兄弟刘浩龙担任嘉宾外，原来Maple激罕上台现身支持！有现场观众指，当小方唱《月全蚀》时，台上为佢蒙面伴舞嘅美女正系Maple，只见Maple身材高挑出众，跳舞好睇又唔怯场。而小方唱到《只爱一个人》，佢又凭歌寄意，冧爆向女友方向四目交投兼派心心，闪爆网友，有网民即留言笑佢成晚对住女朋友扭嚟扭去。而Maple似乎睇得非常开心，离场时同友人有讲有笑，就算身旁有人影相都冇黑面，仲被发现一直玩小方嘅应援人形牌，爱得够烟韧。