视帝合唱马国明唔敢叫汤洛雯听 陈展鹏笑老婆贪佢钱

etin

四大视帝陈豪（Mo）、马国明、谭俊彦（Shaun）及陈展鹏前晚（1日）在筹款节目《万众同心公益金》上大展歌喉，展鹏独唱《后悔万年》外，4人又合唱《红日》。4人受访时表示今次是他们首次合唱，被指可组成新男团，Shaun笑言：“我哋系演员好声音。（练咗几耐？）除咗彩排，我哋各自有喺屋企练习，我练咗两个星期。”合唱时不时把咪高峰放下的马国明闻言即说：“公司早几日先同我讲，我唔系好熟首歌，我真系唔掂，连记歌词都记唔到。”展鹏与Shaun被夸是唱歌担当，马国明自嘲是和唱担当，Mo笑谓：“咁我系舞蹈担当。”问到有否叫小朋友在家中收看，他说差点忘记，幸得Shaun提醒，马国明则大唱反调：“我叫太太唔好睇，跳过呢part，但钱系可以照捐。惊佢睇完到时冇晒形象。”
提到父亲节，马国明称虽未有子女，但也要跟父亲及外父庆祝，问到是否要送厚礼，Mo即时向对方提议：“唱歌加跳舞。”令众人爆笑！而Mo自言刚拍完剧，可以好好跟小朋友庆祝父亲节兼过暑假。另外，近日有网民在社交网上载跟展鹏与太太单文柔的合照，由于相中单文柔手持名牌袋，有网民竟留言指太太有贪钱一面，展鹏对此以高EQ回应：“佢嫁得畀我就一定系贪我钱啦！我家底好丰厚，你哋可以上网睇吓。（下次唔好送咁贵重嘅嘢畀太太？）礼多人不怪。”马国明笑指除了家底，应该是贪展鹏靓仔又好演技，力撑对方。而《中年好声音2》亚军谭辉智的头号粉丝狄波拉（拉姑）现身观众席撑表演嘉宾之一的谭辉智场，并捐出50万，拉姑又与4位视帝做接线生，Shaun指母亲跟拉姑是好朋友，自己已很久没见对方，见到拉姑身体健康，为她大感开心。

​艺人吴业坤亦有出席并献唱新歌《幼驯染》，他透露刚由佛山拍摄剧集《刑侦12》（暂名）回来，讲到在新剧的角色，他表示：“个故事好新颖，我都有啲动作戏，个角色系我从来未演过，同我本人嘅性格好有反差。”见他未有戴上招牌眼镜示人，他称主要为配合新歌MV的造型，笑言：“网民觉得几好睇，而且我都难再伪毒落去，要交捧畀下一个，自己都要慢慢变吓形象，令太太开心啲，畀佢觉得老公原来都好靓仔。（太太锺意你戴眼镜定唔戴眼镜？）其实佢锺意我戴眼镜多啲，觉得我Cute啲，佢好少见我工作嘅样。（佢有冇睇过你眼镜片起雾嘅经典片段？）佢睇过，但佢唔明。”他笑言希望能再次因为获奖喜极而泣令镜片起雾，重现经典：“我今年都好努力，出咗3首歌，尽量做到拍剧同唱歌平衡。”

另外，提到太太早前接到首个广告，吴业坤大赞太太好叻：“佢唔需要我畀意见，佢仲快过我登上电车车身广告。（红过你？）系就好，我可以休息一下，希望大家多多支持我哋。（介唔介意一齐合作？）如果有合适嘅广告，我唔介意。不过暂时想工作同生活分开啲，尤其系太太想独立啲，唔想系吴业坤太太身份去工作。”问到太太的歌艺如何？他指对方曾做过偶像：“佢唔系唱歌担当，但好有风格，听佢唱卡拉OK好得意。”

此外，对于好友王灏儿（JW）最近宣布与男友分手，问到吴业坤可有慰问对方？他坦言：“之前同佢一齐去美国做骚，唔觉得佢有任何异样，大家好专心工作，平时都好少问佢私事，佢嘅个人事情我唔评论。（会唔会做啲嘢凼佢开心？）我唔知佢需唔需要，佢系个好乐观嘅人，而且佢好多工作，之前佢又有音乐剧，想信佢都冇时间去谂其他嘢，呢段时间畀佢好好去经历自己嘅人生。”