陈滢年底前雪卵 被“音波功”推动减肥

etin

艺人陈滢于无綫热播剧《家族荣耀之继承者》内，扮演一名任职律师的富家千金，不过却不获父母重视，名副其实的“乜都靠自己”。她直言接演此角色感怀身世：“细个时屋企人好重视家姐嘅成绩，妈咪又明显系锡仔（细佬）多啲。最唔开心系家姐揸欧洲车，而我揸日本车，车价应该少咗个零，点知后来家姐撞咗车，佢就攞我架车用，冇人谂过要买番架车畀我啰！” 犹幸陈滢深得婆婆疼锡，两婆孙关系密不可分，可惜老人家年前于疫情期间离世，丧失“挚爱”的痛，令陈滢一直在暗地疗伤，未有对外公布这个坏消息。这天她受访终于放胆尽诉心中情：“当时佢病咗，我返加拿大探过佢，后来要返香港准备为《痞子英雄》开工，我喺酒店隔离期间佢情况差咗，直至我出关返到屋企，就收到佢离世嘅消息。我返唔到去（出席丧礼），因为全组人喺度等我开工，丧礼举行时只系透过视频了解情形。”
婆婆至今走了约3年，陈滢经常于睡梦与对方“蜜会”：“好以早几日我发梦见到佢煮紧嘢畀我食，仲同我讲话呢排我辛苦嘞，应该做啲嘢奖励自己！”也许“父母缘”比较薄，但她却从未有埋怨，3姐妹感情更是不错：“我相信有啲嘢系‘命’嚟嘅，冇得强求。父母生我出嚟啫，冇话一定要花时间喺我身上，每个人都有选择同自己嘅生活，咁我返咗香港发展，亦都冇乜时间陪佢哋。”
陈滢吃得苦，很早便自食其力，16岁开始打工，餐厅捧餐及冲珍珠奶茶样样试过，决定返港生活初期，曾试过年馀没有收入：“嗰时冇乜工作靠食老本，同个闺密一齐租屋住，我都有谂顶唔到几耐啦，好彩自己有读书，有个学士衔头喺手，最差可以返加拿大搵工，话时话真系有谂过转行㗎。”这段“黑暗时间”教她明白金钱的真正价值：“老实啲讲句，钱唔系万能，但冇钱又似乎万万不能！下个目标我希望喺香港置业，近呢两年好开心可以做到唔乱使钱啦。”
今次拍《家》剧，陈滢高兴自己因此多了几位好友，更自爆佘诗曼的“温柔音波功”很是奏效：“以前几位经理人叫我减肥，我就系唔听，呢次同阿佘开工，佢会好细声咁问我：‘妳真系要食咁多？食一半得唔得？’唔知点解我就好受，真系受软唔受硬。喺马来西亚开工同陈静及王敏奕住咗成两个月，返到嚟好多朋友话我成个人唔同晒，成熟咗。”说到另一位好友JW早前雪卵，单身陈滢大方透露有意效法：“我都35岁啦，系有咁嘅计划嘅，应该年尾前可以，等我忙埋手头上嘅工作先。”