庄思敏升呢做恋爱脑妈咪 个女咁大个吓亲好友

etin

热播剧《神耆小子》中惊喜见到艺人庄思敏身影，原来佢喺剧中做罗毓仪（Yuki）嘅可爱妈咪，剧中性格成个少女咁嘅庄思敏，恋爱脑上身，多次成为爱人嘅“提款机”，更做埋另一半嘅担保人，欠下周身债，不过同时佢对爱女Yuki亦照顾有加，母女情令人窝心。提到新剧做罗毓仪妈咪，庄思敏都笑言收到好多朋友Message，话惊讶佢有咁大个女：“我做罗毓仪阿妈，跟住我身边啲friend就觉得‘有冇搞错啊你点做佢阿妈？’，我都系第一次有咁大个女，以前啲‘仔仔女女’都系几岁，今次‘个女’都已经出嚟做嘢。”佢直言今次“阿女”比自己更成熟，自己则系恋爱脑、成日畀人呃，个女对咩食物敏感都唔知，自嘲角色唔称职，更戏称自己真系有机会生得出咁大个女：“我同啲朋友讲，呢啲嘢冇得睇样，我纯粹系保养得好，如果我真系好后后生，都冇话唔得嘅。”